ءماجىلىس دەپۋتاتتارىنا اقپاراتتىق قىسىم جاساعان ل گ ب ت وكىلدەرىن جازالاۋ كەرەك - ەدىل جاڭبىرشين

استانا. KAZINFORM - بۇگىن ءماجىلىستىڭ جالپى وتىرىسىندا دەپۋتات ەدىل جاڭبىرشين ل گ ب ت ناسيحاتىنا تىيىم سالۋ ماسەلەسىن كوتەردى. وسى ورايدا ول ق ر پرەمەر- مينيسترىنە جانە ق ر ۇلتتىق قاۋىپسىزدىك كوميتەتىنىڭ ءتوراعاسىنىڭ اتىنا دەپۋتاتتىق ساۋال جولدادى.

Мәжіліс депутаты
Фото: parlam.kz

- كەشە عانا الەمدىك ساياساتتا ەلەۋلى ورىن الىپ، بۇكىل حالىقارالىق قاۋىمداستىقتى وزىنە قاراتقان ا ق ش پرەزيدەنتىنىڭ رەسمي ۇلىقتاۋ ءراسىمى ءوتتى. وسى كۇنگە دەيىن الەمنىڭ كوپتەگەن ەلدەرىندە ادام قۇقىعىن قورعاۋ، ليبەرالدىق كوزقاراستى قالىپتاستىرۋ مەن ازاماتتىق قوعام ورناتۋدى كوزدەگەن قۇراما شتاتتاردا 47- پرەزيدەنت دونالد ترامپ بۇدان بىلاي ەكى جىنىستى بەكىتتى. ياعني ا ق ش- تا ەر مەن ايەل جىنىسى زاڭمەن شەگەلەندى. بۇل - ل گ ب ت- عا، ياعني تابيعي جاراتىلىسقا قارسى جىنويناق توپتارعا ەندى ا ق ش- تا زاڭمەن تىيىم سالىنادى دەگەن ءسوز. بۇل جاڭالىق باتىستى وزدەرىنە قورعاۋشى ساناپ جۇرگەن قىزتەكەلەرگە توبەلەرىنەن جاي تۇسكەندەي بولعانى انىق. وسى تۇستا، بارلىق قىزتەكەلەرگە «دياديا دونالدتان» جالىندى سالەم! بۇل رەتتە، ا ق ش پرەزيدەنتىنىڭ شەشىمى ءماجىلىس دەپۋتاتتارىنىڭ ل گ ب ت- عا قارسى ۇستانىمىمەن ۇشتاستى. ويتكەنى ءبىز ماجىلىسكە كەلگەلى بەرى ۇلتىمىزدىڭ بولاشاعىنا بالتا شاۋىپ جۇرگەن ازعىن جولمەن كۇرەسىپ كەلە جاتىرمىز. مەن بىلەتىن ۇكىمەتكە كەمىندە بىرنەشە ناقتى دەپۋتاتتىق ساۋال جولداندى، - دەدى ە. جاڭبىرشين.

بۇل رەتتە ول ل گ ب ت- نى ناسيحاتتاۋعا تىيىم سالۋدى كوزدەيتىن ارنايى زاڭ نورمالارى دا ازىرلەنگەنىن ەسكە سالدى.

- الايدا، وسى ارەكەتتەرىمىزگە كەيبىر شەنەۋنىكتەر باتىس ەلدەرى وكىلدەرىنىڭ «دەموكراتيانى شەكتەپ جاتىرسىڭدار»، «ادام قۇقىعىن تاپتاپ جاتىرسىڭدار» دەگەن ۇستانىمدارىن جەلەۋ قىلىپ، قارسىلىق ءبىلدىردى. ءتىپتى، ل گ ب ت وكىلدەرى جانە ولاردىڭ سىبايلاستارى دەپۋتات ارىپتەستەرىمە جانە ولاردىڭ وتباسىلارىنا الەۋمەتتىك جەلىدە، بۇقارالىق اقپارات قۇرالدارىندا جاپپاي اقپاراتتىق شابۋىلدار ۇيىمداستىردى. ءبىراق بۇل كۇرەستە ءبىز جالعىز قالعان جوقپىز. كوزى اشىق، كوكىرەگى وياۋ ازاماتتار، جالپى قوعام ءبىزدى قولداپ، E-petition.kz مەملەكەتتىك پلاتفورماسىندا ل گ ب ت ناسيحاتىنا قارسى پەتيتسيا جاريالادى. نەبارى 2 اپتادا پەتيتسيا 50 مىڭ قول جيناعانىن بىلەمىز. بۇل نەنى كورسەتتى؟ ! بۇل ۇلتتىق بولمىسىمىزعا جات، لگبت اعىمىنا حالىقتىڭ اشىق قارسى ەكەندىگىن كورسەتتى. ال پارلامەنت ءبىرىنشى كەزەكتە حالىقتىڭ مۇددەسىن ەسكەرىپ، ونى ناقتى زاڭنامامەن ىسكە اسىرۋى ءتيىس، - دەدى دەپۋتات.

ونىڭ پايىمىنشا، ۇكىمەت تەز ارادا ءتيىستى شارالاردى قولعا الۋى قاجەت. بىرىنشىدەن، جوعارىدا اتالعان پەتيتسيا تالاپتارىن تولىق قاناعاتتاندىرۋ كەرەك.

- سونىمەن قاتار، ل گ ب ت- نى قولداپ، ءماجىلىس دەپۋتاتتارىنا اقپاراتتىق شابۋىلداردى ۇيىمداستىرعان ادامداردى تاۋىپ، جازالاۋ قاجەت، - دەدى ە. جاڭبىرشين.

بۇعان دەيىن ءماجىلىس دەپۋتاتى رينات زايىتوۆ ل گ ب ت- نى ناسيحاتتاۋعا تولىقتاي تىيىم سالۋدى تالاپ ەتتى.

سوڭعى جاڭالىقتار