ءجۇزىم سۇيەگىن جەپ قويساڭىز نە بولادى؟

كەيدە ءجۇزىمنىڭ مايدا سۇيەكتەرىن بىرگە جەپ قوياتىن كەزدەر بولادى. كەيبىر ادامدار ءجۇزىم سۇيەگىن جەۋگە جارامسىز ساناپ، تۇكىرىپ جاتادى. ول قىتىرلاق ءارى اششى ءدامى بار.

دەگەنمەن بۇل ونى مىندەتتى تۇردە تۇكىرۋ كەرەك دەگەن ءسوز ەمەس. سەبەبى ونىڭ قۇرامىندا اعزاعا پايدالى انتيوكسيدانت، فلاۆونويد جانە مەلاتونين سەكىلدى ءبىرقاتار قوسىلىس بار. بۇل ءجۇزىم سۇيەگىن جەي بەرۋگە بولادى دەگەن ءسوز بە؟

ءجۇزىم سۇيەگىنىڭ قۇرامى مەن پايداسى

ءجۇزىم سۇيەگىنىڭ قۇرىلىمى كۇردەلى، ونىڭ قۇرامىندا 40 پايىز تالشىق، 16 پايىز ماي، 11 پايىز اقۋىز جانە تانين سياقتى 7 پايىز كۇردەلى فەنول بار. ولار سونداي-اق س جانە ە دارۋمەندەرىنىڭ، تەرى كۇيىن جاقسارتىپ، قارتايۋدى باسەڭدەتەتىن فلاۆونويد انتيوكسيدانتىنىڭ تاماشا كوزى.

ءجۇزىم سۇيەگىن جەۋگە بولا ما؟

ءجۇزىم سۇيەگىن جۇيەلى تۇردە جەۋ اس قورىتۋ جۇمىسىنىڭ بۇزىلۋىنا اكەپ سوقتىرۋى مۇمكىن. سونىمەن قاتار، قاتتى سۇيەك ءتىس پەن قىزىل يەكتى زاقىمدايدى، اسىرەسە بالالاردا. سۇيەكتىڭ تۇقىمى ىشەك قاتەرلى ىسىگىن تۋدىرۋى مۇمكىن دەگەن اڭىز بار، ءبىراق بۇل عىلىمي دالەلدەنبەگەن. بۇدان بولەك سۇيەك اسقازان مەن ىشەكتىڭ تىتىركەنۋىنە، ءىش قاتۋ مەن ءىشتىڭ اۋىرسىنۋىنا اكەلۋى مۇمكىن.

ەگەر ءجۇزىم سۇيەگى سىزگە جاقپاسا، ءىشىڭىز اۋىرىپ، جۇرەك اينىپ، قۇسۋ، ءىش قاتۋ جانە ديارەيا مازالاۋى مۇمكىن.

ءجۇزىم سۇيەگىن تۇتىنۋدىڭ ساقتىق شارالارى:

كوپ مولشەردە تۇتىنۋعا بولمايدى؛

بالالارعا بەرمەڭىز؛

باسقا ونىمدەردى الماستىرۋ ماقساتىندا پايدالانباڭىز.

نەگىزىنەن ءجۇزىمدى سۇيەكسىز تۇتىنعان ابزال.

كۇن سايىن ءجۇزىم سۇيەگىنىڭ سىعىندىسىن ىشۋگە بولا ما؟

سىعىندىنى سۇيەكتى كەپتىرىپ، ۇنتاقتاۋ ارقىلى الۋعا بولادى. سىعىندىدا سۇيەكتىڭ جالپى پوليفەنولدارىنىڭ 60-70 پايىزى بولادى. بۇل انتيوكسيدانت قان تامىرلارىن زاقىمدانۋدان قورعاۋعا كومەكتەسەدى. سونداي-اق، سىعىندى گيپەرتونيانى نەمەسە جوعارى قان قىسىمىن ەمدەۋگە كومەكتەسەدى.

ءونىم تۇتاستاي العاندا قاۋىپسىز. جاناما اسەر بەرىپ، باس اۋرۋى، باس تەرىسىنىڭ قىشۋى جانە جۇرەك اينۋى مۇمكىن.

massaget.kz