ءجاميلا باقبەرگەنوۆا الەمدىك رەيتينگتە كوش باسىنا شىقتى

استانا. KAZINFORM - بىرىككەن كۇرەس الەمى رەسمي سايتىندا ايەلدەر كۇرەسىنەن 72 كەلى سالماقتا بالۋانداردىڭ رەيتينگىندە جاڭا كوشباسشى انىقتالدى.

قازىرگە دەيىن اتالعان رەيتينگتە جاپونيالىق 23 جاستاعى بالۋان امي يشي ءبىرىنشى ورىندا تۇرعان ەدى. ول بىلتىر البانيا استاناسى تيرانا قالاسىندا وتكەن الەم چەمپيوناتىنان كەيىن ۇزاق ۋاقىت بويى ورنىن ساقتاپ قالعان ەدى. ەندىگى كەزەكتە بۇل ورىنعا قازاقستاندىق 29 جاستاعى سپورتشى ءجاميلا باقبەرگەنوۆا يە بولدى.

قازاقستان قۇراماسىنىڭ كوشباسشىسى بەس ايدان استام ەكىنشى ورىندا تۇردى. ازيا چەمپيوناتىندا ءتورتىنشى مارتە التىن العاننان كەيىن ول جاپونيالىق ارىپتەسىن ارتتا قالدىردى. ول بۇعان دەيىن دە ءوز سالماعىندا كوش باسىندا بولعان ەدى.

وتانداسىمىز قازىرگە دەيىن قۇرلىقتىق دودادا التى مارتە جۇلدەگە ىلىكتى. 2020، 2022، 2023، 2025 -جىلداردا جەڭىس تۇعىرىنا كوتەرىلسە، 2021 -جىلى كۇمىس، 2019 -جىلى قولا جۇلدەگەر اتاندى.

سپورتتىق جولىندا ول 2021، 2022 جانە 2024 -جىلدارى الەم بىرىنشىلىگىنىڭ كۇمىس جۇلدەگەرى بولدى.

يوردانيا استاناسى اممان قالاسىندا وتكەن قۇرلىقتىق دودا ناتيجەسى بويىنشا ول ءوزىنىڭ ەنشىسىنە 10 مىڭ ۇپاي قوستى. ال جاپونيالىق امي يشي ەندى رەيتينگتە سەگىزىنشى ورىنعا سىرعىپ كەتتى.

اۆتور

ءادىلجان ۇمبەت