ChatGPT شەتەل تىڭشىلارىن تاۋىپ بەرەدى
جاساندى ينتەللەكتىڭ تارالۋىنا قاتىستى پروبلەمالار قىزۋ تالقىلانۋدا. بارلاۋ ۇيىمدارى دا مول دەرەكتەردى تالداۋ ءۇشىن نەيروندىق جەلىنى پايدالانا باستادى. ChatGPT تىڭشىلاردى انىقتاۋدا جاقسى قۇرال بولۋى مۇمكىن.

Bloomberg اگەنتتىگى بارلاۋ اگەنتتىكتەرى دەرەكتەردى تالداۋ ءۇشىن نەيروندىق جەلىنى پايدالاناتىنىن جازدى. امەريكالىق بارلاۋ اگەنتتىكتەرى ChatGPT- گە ۇقساس جابىق قۇرال جاساماق، بۇل ولارعا اشىق كوزدەردەگى دەرەكتەردى ءتيىمدى جيناپ، تالداۋعا مۇمكىندىك بەرەدى. Aikyn.kz اقپارات اگەنتتىگىنىڭ ماقالاسىنا سىلتەمە جاساي وتىرىپ، ورتالىق بارلاۋ باسقارماسى جاساندى ينتەللەكتى تاعى قانداي ماقساتتارعا قولدانۋى مۇمكىن دەگەن سۇراققا جاۋاپ ىزدەيدى.
فوتو Getty Images سايتىنان الىندى. اۆتورى: Ignatiev
ورتالىق بارلاۋ باسقارماسى (و ب ب) اشىق كوزدەردەگى دەرەكتەردى ساراپتاۋدى جاقسارتۋ نيەتىمەن جاساندى ينتەللەكتى جۇيەسىن پايدالانباق. جاساندى ينتەللەكت قۇرالدارىن قولدانۋدى باسقا امەريكالىق بارلاۋ اگەنتتىكتەرى جوسپارلاۋدا.
Bloomberg اتاپ وتكەندەي، امەريكالىق بيلىك 2030 -جىلعا قاراي الەمدىك كوشباسشى بولۋدى ماقسات ەتىپ وتىرعان قىتايمەن باسەكەدە ۇتىلماس ءۇشىن جاساندى ينتەللەكت قۋاتىن پايدالانۋدىڭ ۇكىمەتتىك ستراتەگياسىن ىسكە اسىرماقشى.
و ب ب جاساندى ينتەللەكت قۇرالى قىزمەتكەرلەرگە اشىق كوزدەردەگى ءاربىر مالىمەتتىڭ باستاپقى دەرەككوزىن انىقتاۋعا كومەكتەسەدى. و ب ب بولىمشەسىنىڭ ديرەكتورى رەندي نيكسون بۇل قۇرالدى ا ق ش- تىڭ 18 بارلاۋ اگەنتتىگىمەن ءبولىسۋدى جوسپارلاپ وتىرعانىن ايتا كەلە: «باستاپقى مالىمەتتەردىڭ دەرەككوزىن انىقتاعان سوڭ ونى كەلەسى دەڭگەيگە كوتەرىپ، ماشينالارمەن بايلانىسىپ، سۇراقتار قويۋعا بولادى»، - دەيدى.
ج ي- ءدىڭ تارالۋىنا قاتىستى الاڭداۋشىلىق بيلىك تاراپىنان دا، حالىقارالىق ۇيىمدار تاراپىنان قىزۋ تالقىلانۋدا. وسى جىلدىڭ مامىر ايىندا ا ق ش پرەزيدەنتى دجو بايدەن مەن ۆيتسە- پرەزيدەنت كامالا حارريس IT سالاسىنىڭ وكىلدەرىمەن كەزدەسۋ وتكىزىپ، وسى تاقىرىپتى تالقىلادى.
شىلدە ايىندا ب ۇ ۇ قاۋىپسىزدىك كەڭەسى جاساندى ينتەللەكت تاقىرىبىنا ارنالعان العاشقى وتىرىسىن وتكىزدى. ب ۇ ۇ باس حاتشىسى انتونيۋ گۋتەرريش «جي جانە يادرولىق قارۋ، بيوتەحنولوگيا، نەيروتەحنولوگيا جانە روبوتوتەحنيكا اراسىنداعى ءوزارا ارەكەتتەسۋ ەرەكشە الاڭداتاتىنىن ايتقان. ول گەنەراتيۆتى جي قانشالىقتى جىلدام دامىپ جاتقانىن، جاڭا تەحنولوگيانىڭ جىلدامدىعى مەن قولجەتىمدىلىگى بۇرىن- سوڭدى بولماعان جىلدامدىقپەن دامىپ جاتقانىنا نازار اۋدارعان.
باس حاتشىنىڭ ايتۋىنشا، 2030 -جىلعا قاراي ج ي- ءدىڭ الەمدىك ەكونوميكاعا قوساتىن ۇلەسى 10-15 تريلليون دوللارعا دەيىن جەتەدى. باس حاتشى گۋتەرريش ج ي سالاسىن رەتتەۋدىڭ جاھاندىق ستاندارتتارىن قالىپتاستىراتىن بۇۇ نەگىزىندە ورگان قۇرۋ يدەياسىن قولداعان. دەگەنمەن، ساياسي مۇددەلەر قاقتىعىسىندا ءىرى مەملەكەتتەردىڭ ج ي قۇپيالارىمەن ءبولىسىپ، ونىڭ قاۋىپسىزدىگىن بىرلەسىپ تالقىلاۋىن، ازىرشە، كوزگە ەلەستەتۋ قيىن.