«ءشامشى قالعانتاباقوۆپەن 16 ءان جازدىق». مۇحتار شاحانوۆ ۇزاق ۋاقىتتان كەيىن سۇحبات بەردى
استانا. قازاقپارات - قازاقستان حالىق جازۋشىسى، اقىن، دراماتۋرگ مۇحتار شاحانوۆ ۇزاق ۇزىلىستەن كەيىن سۇحبات بەرىپ، ءشامشى قالداياقوۆ تۋرالى ەستەلىك ايتىپ بەردى.
قازاقستاننىڭ حالىق جازۋشىسى مۇحتار شاحانوۆ پەن رەجيسسەر ءالي بيداحمەت «1001 ءتۇن» باعدارلاماسىندا قوناق بولدى. دراماتۋرگ پەن رەجيسسەر «تاناكوز» تۋىندىسى مەن ونىڭ ساحناداعى قويىلىمى تۋرالى ءسوز قوزعادى.
اقىن مۇحتار شاحانوۆ سۇحبات بارىسىندا ءشامشى قالداياقوۆپەن دوستىعى تۋرالى ايتىپ بەردى.
«ءشامشى قالعانتاباقوۆپەن 16 ءان جازدىق. مەن ازىلدەپ، ءشامشى قالدىاياقوۆتى - قالعانتاباقوۆ دەپ اتايتىنمىن. «اق بانتيك»، «كەشىكپەي كەلەم دەپ ەڭ»، «ءومىر - وزەن» سياقتى كوپتەگەن ءاندى بىرگە جازدىق»، - دەپ ەسكە الدى ول.
اقىن پوەزيانىڭ نە ەكەنى تۋرالى ايتىپ، ونەر تۋرالى دا ءسوز قوزعادى.
«پوەزيا دەگەنىمىز - الەمدىك دەڭگەيدە ەشكىم ايتپاعان ويلاردى ايتۋ. مەن «ءتورت انا» ولەڭىن 15 جاسىمدا جازدىم. ءبىر قىزىعى، وسى ولەڭىم الەمنىڭ كوپتەگەن تىلدەرىنە اۋدارىلدى»، - دەگەن ول ستۋديادا «ءتورت انا» ءانىن وقىپ بەردى.
مۇحتار شاحانوۆ «تاناكوزدى» ساحنالاپ جاتقان جاس رەجيسسەرگە العىس ايتىپ، «مەنىڭ جازعانىمنىڭ ءبارى - حالىقتىكى، تەك سونى قالاي بار، سولاي جەتكىزسە بولدى»، - دەپ باتاسىن بەردى.
