ءۇش كاسىپكەر «ادال ازامات» سىيلىعىمەن ماراپاتتالدى
استانا. KAZINFORM - ەلوردادا وتكەن «ادال ازامات. ادال ەڭبەك. ادال بيزنەس» فورۋمىندا ءۇش كاسىپكەر «ادال ازامات» سىيلىعىمەن ماراپاتتالدى.
«ادال ازامات» سىيلىعى ەكولوگيانى قورعاۋعا بەلسەنە اتسالىسقان، ESG- تاجىريبەلەرىن ەنگىزۋگە ەلەۋلى ۇلەس قوسقان جانە وسى جىلدىڭ كوكتەمىندە بولعان سۋ تاسقىنى كەزىندە الەۋمەتتىك جاۋاپكەرشىلىك تانىتقان كاسىپكەرلەرگە بەرىلدى. اتاپ ايتقاندا، «ەكو- DUMP» ج ش س ديرەكتورى ابىشەۆا ءماريام سەرىك قىزى، «اباي داۋلەت» ج ش س باسشىسى سارسەنبايەۆ مۇرات اباي ۇلى، «ەxpress Stroy Group (ESG)» ج ش س باسشىسى ساندىبايەۆ دانيار الشىم ۇلى بۇل سىيلىققا لايىق دەپ تانىلدى.
اقمولا وبلىسىندا ورنالاسقان «ەكو- DUMP» ج ش س زيانسىز قالدىقتاردى جيناۋ، ورگانيكالىق قالدىقتاردى وڭدەۋمەن اينالىسادى. قىزىلوردا وبلىسىندا ورنالاسقان «اباي داۋلەت» ج ش س - اۋىل شارۋاشىلىعى ونىمدەرىن ءوندىرۋ جانە قۇرىلىس تاۋارلارىن شىعارۋمەن اينالىساتىن كوپسالالى كاسىپورىن. ال، ماڭعىستاۋ وبلىسىندا ورنالاسقان «Express Stroy Group (ESG)» ج ش س وندىرىستىك قۇرىلىس سالاسىنداعى جوعارى ساپاداعى ءارى ءتيىمدى جوبالاردى جۇزەگە اسىرۋعا باعىتتالعان كومپانيالاردىڭ توبى.
ماراپات يەلەرىنە تابىستالعان ەستەلىك مۇسىنشە الداعى ۋاقىتتا قر پرەزيدەنتىنىڭ «التىن ساپا» سىيلىعى تابىستالاتىن ارنايى بايقاۋدىڭ «ادال ازامات» دەپ اتالاتىن جەكە نوميناتسياسىندا بەرىلەتىنى اتالىپ ءوتتى.
فورۋم بارىسىندا پرەمەر-مينيستر ەلگە جاناشىرلىق تانىتقان كاسىپكەرلەرگە العىس ايتتى. سونداي-اق ەلىمىزدە وتاندىق تاۋارلاردىڭ جانە تاۋار وندىرۋشىلەردىڭ ءبىرىڭعاي اشىق رەەسترى ازىرلەنىپ جاتقانىن مالىمدەدى.
ودان بولەك، ازىرلەنىپ جاتقان «ەنەرگەتيكالىق جانە كوممۋنالدىق سەكتوردى جاڭعىرتۋ» ۇلتتىق جوباسى اياسىندا تۇكش سالاسىنا 10 تريلليون تەڭگە ينۆەستيتسيا تارتىلاتىنىن اتاپ ءوتتى.
فورۋم بارىسىندا پرەمەر-مينيستر ەلگە جاناشىرلىق تانىتقان كاسىپكەرلەرگە العىس ايتتى.
سونداي-اق ەلىمىزدە وتاندىق تاۋارلاردىڭ جانە تاۋار وندىرۋشىلەردىڭ ءبىرىڭعاي اشىق رەەسترى ازىرلەنىپ جاتقانىن مالىمدەدى.
ودان بولەك، ازىرلەنىپ جاتقان «ەنەرگەتيكالىق جانە كوممۋنالدىق سەكتوردى جاڭعىرتۋ» ۇلتتىق جوباسى اياسىندا تۇكش سالاسىنا 10 تريلليون تەڭگە ينۆەستيسيا تارتىلاتىنىن اتاپ ءوتتى.
