ءداستۇرلى مەديتسينا ادىستەرىن رەگلامەنتتەيتىن ستاندارت ازىرلەنەدى

استانا. KAZINFORM - دەنساۋلىق ساقتاۋ مينيسترلىگى ءداستۇرلى مەديتسينا ادىستەرىن رەگلامەنتتەۋ ماقساتىندا ستاندارت ازىرلەيدى. بۇل تۋرالى سەنات دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.

- قازىرگى ۋاقىتتا ەلىمىزدە ءداستۇرلى مەديتسينانى رەگلامەنتتەيتىن تالاپتار مەن راسىمدەر ايقىندالماعان. وسىعان بايلانىستى دەنساۋلىق ساقتاۋ مينيسترلىگى ءداستۇرلى مەديتسينا ادىستەرىن رەگلامەنتتەۋ ماقساتىندا ستاندارت ازىرلەيدى. بۇل قۇجاتتا ءداستۇرلى مەديتسينالىق كومەك كورسەتۋدىڭ نەگىزگى مىندەتتەرى، ءتارتىبى جانە ونى كورسەتۋ شارتتارى، ونىڭ ىشىندە ماماندار مەن جابدىقتاۋعا قويىلاتىن تالاپتار رەتتەلەدى، - دەدى ۇكىمەت باسشىسى جاۋابىندا.

ايتا كەتەيىك، قولدانىستاعى زاڭناماعا سايكەس، ءداستۇرلى مەديتسينانىڭ بىرنەشە تۇرىنە - گومەوپاتيا، رەفلەكسوتەراپيا، فيتوتەراپيا، مانۋالدىق تەراپيا، گيرۋدوتەراپيا، سۋ-دجوك تەراپياعا رۇقسات بەرىلگەن.