ءداستۇردى دارىپتەگەن ەل اناسى

Дәстүрді дәріптеген ел анасы
Фото: Kazinform

شىمكەنت. KAZINFORM - «شۋاقتى كۇندەر» كىتابىمەن وقىرمانعا، باتىر باۋىرجان كەلىنى اتىمەن قالىڭ قازاققا تانىس زەينەپ احمەتوۆا شىرايلى قالامىزعا كەلدى. «اتامنىڭ ارقاسىندا بۇگىنگى دارەجەگە جەتىپ، ەل ىشىندە ەركەلەپ ءجۇرمىن» دەگەن زەينەپ اسكەربەك قىزىن شىمكەنت قالاسى ىشكى ساياسات جانە جاستار ىستەرى جونىندەگى باسقارماسى باسشىسى باقتيار ونەربايەۆ كۇتىپ الىپ، الدىمەن داڭقتى باۋىرجان اتامىزدىڭ ەسكەرتكىشىنە تاعزىم ەتىپ، گۇل شوقتارىن قويدى.

ۇلتتىق داستۇرىمىزگە قايشى ادەتتەردى قاتاڭ سىناپ، جاستار تاربيەسىنە ەرەكشە كوڭىل اۋداراتىن زەينەپ اپامەن «ەر ەلدىڭ يەسى، ايەل - ءۇيدىڭ كيەسى» تاقىرىبىندا «جاستار رەسۋرستىق ورتالىعىندا» كەزدەسۋ ۇيىمداستىرىلدى.

Дәстүрді дәріптеген ел анасы
Фото: Kazinform

جيىنعا مەكتەپ وقۋشىلارى، قالاداعى جوعارى جانە ورتا ارناۋلى وقۋ ورىندارىنىڭ ستۋدەنتتەرى، پەداگوگتەر مەن وزگە دە سالا قىزمەتكەرلەرى قاتىستى. اسىرەسە، كەزدەسۋگە كەلگەن جاستاردىڭ كوپتىگى قۋانتتى.

Дәстүрді дәріптеген ел анасы
Фото: Kazinform

سىرلاسۋ كەشىن شىمكەنت قالاسى اكىمىنىڭ ورىنباسارى سارسەن قۇرانبەك اشتى. ەل اناسى جينالعان كوپشىلىكپەن ەكى ساعاتتان اسا، ەمىن-ەركىن سىرلاسىپ، ەستەلىكتەرى مەن عيبراتتى، ونەگەلى اڭگىمەلەرىمەن ءبولىستى. حالىقتىڭ رۋحاني اڭگىمەنى ساعىنعانىن سوعىلعان شاپالاقتار ءبىلدىرىپ تۇردى. اپاعا سۇراق ورنىنا العىس ايتىلدى. كەش سوڭىندا جاقسىنىڭ كوزى، اسىلدىڭ سىنىعى زەينەپ اپامىزعا شاپان جابىلىپ، گۇل شوقتارى جاۋدى.

Дәстүрді дәріптеген ел анасы
Фото: Kazinform

وسى رەتتە ايتا كەتەيىك، الداعى ۋاقىتتا شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ باستاماسىمەن قولعا الىنعان «قايىرىمدى قالا قۇندىلىقتارى» جوباسى اياسىندا ءتۇرلى سالانىڭ تانىمال وكىلدەرىمەن كەزدەسۋلەر سەرياسى تۇراقتى تۇردە وتكىزىلىپ تۇرماق.

سوڭعى جاڭالىقتار