ءبىز وڭتۇستىك كورەياعا شيكىزات پەن ماتەريال جەتكىزەتىن سەنىمدى سەرىكتەس بولا الامىز - توقايەۆ
استانا. KAZINFORM - مەملەكەت باسشىسى قاسىم-جومارت توقايەۆ قازاقستان- كورەي بيزنەس فورۋمىندا KIGAM، SK Ecoplant سياقتى كومپانيالاردىڭ جەر قويناۋىن يگەرۋ سالاسىنداعى جوباسىن جۇزەگە اسىرۋعا مۇددەلى ەكەنىن ايتتى.

«ساراپشىلاردىڭ باعالاۋىنشا، 2040 -جىلعا قاراي سيرەك مەتالدارعا دەگەن الەمدىك سۇرانىس 4 ەسە وسەدى. ءبىز وڭتۇستىك كورەيا ءۇشىن ەكونوميكانى ورنىقتى دامىتۋعا قاجەت شيكىزات پەن ماتەريالدار جەتكىزۋ ارقىلى سەنىمدى سەرىكتەس بولا الامىز»، - دەدى قاسىم-جومارت توقايەۆ.
پرەزيدەنت وڭتۇستىككورەيالىق كومپانيالار قازاقستان ليتيىنەن جوعارى تەحنولوگيالىق ءونىم جاساۋعا دايىن ەكەنىن اتاپ ءوتتى.
«KIGAM، SK ECoplant سياقتى قازاقستانداعى ليتي كەن ورنىن جوعارى ءبولىنىس ءونىمىن شىعارا وتىرىپ يگەرۋگە قىزىعۋشىلىق تانىتىپ وتىرعان وڭتۇستىككورەيالىق سەرىكتەستەرمەن ارىپتەستىكتى جالعاستىرۋعا دايىن ەكەنىمىزدى بىلدىرەمىز»، - دەدى مەملەكەت باسشىسى.