ءبىز قىرعىز - رەسەي ستراتەگيالىق سەرىكتەستىگى مەن وداقتاستىق قاتىناستارىن جوعارى باعالايمىز - سادىر جاپاروۆ

 «ءبىز قىرعىز-رەسەي ستراتەگيالىق سەرىكتەستىگى مەن وداقتاستىق قارىم-قاتىناسىن جوعارى باعالايمىز»، - دەپ مالىمدەدى قىرعىز رەسپۋبليكاسى پرەزيدەنتى سادىر جاپاروۆ رەسەي پرەزيدەنتى ۆلاديمير پۋتينمەن كەڭەيتىلگەن كەلىسسوزىندە. Kazinform بۇل تۋرالى كابار اقپارات اگەنتتىگىنە سىلتەمە جاساپ حابارلايدى. 

قىرعىز رەسپۋبليكاسى باسشىسى ءوز سوزىندە ءپۋتيننىڭ قىرعىز ەلىنە ساپارىنىڭ ۇلكەن سيمۆولدىق ءمانى بار ەكەنىن، سەبەبى ول «كانت» اۆيابازاسىنىڭ 20 جىلدىعى مەن قىرعىز-رەسەي سلاۆيان ۋنيۆەرسيتەتىنىڭ 30 جىلدىعىمەن تۇسپا-تۇس كەلگەنىن اتاپ ءوتتى.

«ەكىجاقتى قارىم-قاتىناسىمىزداعى بۇل ماڭىزدى وقيعالار - دوستىعىمىزدىڭ نىشانى. ءبىز قىرعىز- رەسەيدىڭ ستراتەگيالىق سەرىكتەستىگى مەن وداقتاستىق قارىم-قاتىناسىن جوعارى باعالايمىز»، - دەدى س. جاپاروۆ.

ءسوز سوڭىندا س. جاپاروۆ قىرعىز رەسپۋبليكاسى رەسەي ۇكىمەتى باسشىلىعىنىڭ، سىرتقى ىستەر مينيسترلىگى، توتەنشە جاعدايلار مينيسترلىگى، روسگۆارديا جانە باسقا دا دەلەگاتسيالاردىڭ بىشكەككە ساپارىن جوعارى باعالايتىنىن اتاپ ءوتتى.

«ءبىز قىرعىزستاننىڭ تاۋەلسىز مەملەكەتتەر دوستاستىعىنا ءتوراعالىق ەتكەن كەزدەگى ەڭبەگىن جوعارى باعالايمىز. رەسەي ەستافەتانى قولعا الىپ، 2024 -جىلى ت م د-عا ءتوراعالىق ەتەدى»، - دەدى رەسەي پرەزيدەنتى ۆلاديمير پۋتين قىرعىز رەسپۋبليكاسىنا رەسمي ساپارى اياسىندا كەڭەيتىلگەن قۇرامداعى كەلىسسوزدەر بارىسىندا.

سونداي-اق ر ف پرەزيدەنتى ۆلاديمير پۋتين بۇگىن، 12-قازاندا سادىر جاپاروۆتى «قۇرمەت» وردەنىمەن ماراپاتتاۋ تۋرالى جارلىققا قول قويدى.

«رەسەي مەن قىرعىز رەسپۋبليكاسى اراسىنداعى ستراتەگيالىق سەرىكتەستىك پەن وداقتاستىق قاتىناستارىن نىعايتۋعا، ەۋرازيا كەڭىستىگىندەگى ينتەگراتسيالىق ۇدەرىستەردى دامىتۋعا قوسقان ەلەۋلى ۇلەسى ءۇشىن قىرعىز رەسپۋبليكاسىنىڭ پرەزيدەنتى سادىر نۇرعوجو ۇلى جاپاروۆ «قۇرمەت» وردەنىمەن ماراپاتتالسىن»، - دەلىنگەن جارلىقتا.

ايتا كەتەيىك، ۆلاديمير پۋتين بىشكەككە رەسمي ساپارمەن باردى. ول سونىمەن قاتار ت م د مەملەكەت باسشىلارى كەڭەسىنىڭ وتىرىسىنا قاتىسادى.

اۆتور

زارينا تۋعانبايەۆا