ءبىز قاققان دابىلدى «يسلام دىنىنە قارسى شىقتى» دەپ الدەكىمدەر ءوڭىن اينالدىرىپ، دابىرا سالىپ ءجۇر - باپي

 بۇگىن ءماجىلىستىڭ جالپى وتىرىسىندا دەپۋتات ەرمۇرات باپي جات ءدىني اعىمدارعا توسقاۋىل قويۋ ماسەلەسىن كوتەردى، دەپ حابارلايدى Kazinform. 

депутат
Фото: Фото: Мәжіліс

«ءبىز مەملەكەتىمىزدىڭ ۇلتتىق تۇتاستىعى مەن حالقىمىزدىڭ ءداستۇرلى ءدىنىن، ۇرپاعىمىزدىڭ بولاشاعىن قاتەرگە بايلاپ بەرە المايمىز. ۇلتتىق قادىر-قاسيەتىمىزدى ساقتايمىز دەسەك، ەلدىڭ ىشىنە ىرىتكى سالعان جات ءدىني اعىمدى اقىل-سانادان دا، اۋىل-قالادان دا قۋىپ شىعۋعا مىندەتتىمىز. ءبىراق دەپۋتاتتار قاققان دابىلدى «بۇلار يسلام دىنىنە قارسى شىقتى» دەپ الدەكىمدەر الەۋمەتتىك جەلىدە ءوڭىن اينالدىرىپ، دابىرا سالىپ ءجۇر. ەسكەرتە كەتەيىن، جالپى يسلامعا جانە ەلدەگى يسلامنىڭ حانافي مازھابىنا قارسى ەمەسپىز. ءبىز ءداستۇرلى دىنگە ءبۇيى تيگەندەي بولعان سالافيزم، ۋاحابيزم يدەياسىنا قارسىمىز. قازاق حالقىنىڭ ەجەلدەن ءومىر ءسۇرۋ جانە تۇرمىسى مەن سالت-داستۇرىنە جات يدەولوگيالىق اعىمعا قارسى ۇكىمەت جاعىنان جاسالعان كونسەپتسيالىق باعدارلامالار بار ما؟»، - دەپ سۇرادى ە. باپي.

ءوز كەزەگىندە پرەمەر-ءمينيستردىڭ ورىنباسارى تامارا دۇيسەنوۆا وسى ماسەلە ۇكىمەتتە قارالىپ جاتقانىن ايتتى.

«2011 -جىلى ءدىني قىزمەت جانە ءدىني بىرلەستىكتەر تۋرالى زاڭ قابىلدانعان. سول زاڭدى ورىنداۋ ءۇشىن كەيىنگى 5 جىلدا ءۇش كونسەپتۋالدى قۇجات قولعا الىندى. قازىر ءوزىڭىز كوتەرگەن تاقىرىپ ۇلكەن پروبلەماعا اينالىپ وتىر. تامىز ايىنان باستاپ وسى ماسەلەمەن اينالىسىپ جاتىرمىن. ءبىراز تەولوگتاردى، ءدىني بىرلەستىك وكىلدەرىن شاقىرىپ، پىكىر الماستىق. ولاردىڭ پىكىرى دە دەپۋتاتتار كوتەرگەن ماسەلەمەن سايكەس كەلىپ تۇر. سىزدەردىڭ ۇسىنىستارىڭىزدى ولار دا قولداپ وتىر»، - دەدى ۇكىمەت باسشىنىڭ ورىنباسارى.

ونىڭ سوزىنە قاراعاندا، الەۋمەتتىك جەلىلەردەگى ءتۇرلى اعىمداردى ناسيحاتتايتىن كونتەنتكە تولىق توسقاۋىل قويۋ مۇمكىن بولماي تۇر.

«كوپ ماسەلەنى زاڭدى تۇردە رەتتەۋىمىز كەرەك. سوندىقتان دەپۋتاتتاردىڭ ۇسىنىستارىن قولداي وتىرىپ، زاڭعا وزگەرىس ەنگىزۋ قاجەت»، - دەدى ت. دۇيسەنوۆا.

بۇعان دەيىن حابارلانعانداي، دەپۋتاتتار ءدىني تەرىس اعىمدارعا زاڭمەن قاتاڭ تىيىم سالۋ ماسەلەسىن كوتەرگەن ەدى.

اۆتور

رۋسلان عابباسوۆ

سوڭعى جاڭالىقتار