ءبىز ۇلتتىق ونەرىمىزبەن دە تۋريسترەردى تاڭعالدىرا الامىز - روزا رىمبايەۆا

Роза Рымбаева
Фото: Александр Павский/Kazinform

بەيجىڭ. KAZINFORM - قازاقستانعا تۋريستەردى تارتۋدى تەك ناسيحاتتاپ قانا قويماي، قوناقتاردى دا كوبىرەك تارتۋىمىز كەرەك. بىزدە وتە كوركەم تابيعات بار. سول ءۇشىن ەكو ءتۋريزمدى بارىنشا دامىتۋىمىز كەرەك.

بۇل تۋرالى KAZINFORM تىلشىسىنە قىتايداعى قازاقستان ءتۋريزمى جىلىنىڭ رەسمي اشىلۋ سالتاناتىنا كەلگەن قازاقستاننىڭ حالىق ءارتىسى روزا رىمبايەۆا ايتىپ بەردى.

«بىزدە قازاقستاندا اسەم، كوركەم جەرلەر وتە كوپ. قازىرگى تاڭدا جارقىراعان قوناق ۇيلەرمەن ەشكىمدى تاڭعالدىرا المايمىز. دامىعان مەملەكەتتەردىڭ قىزىعۋشىلىعى مەنىڭ ويىمشا، ەكوتۋريزم. سول ءۇشىن ناعىز تابيعاتپەن، تازالىقپەنەن تۋريستەردى تارتۋ كەرەك. ءبىزدىڭ ەڭ ۇلكەن بايلىعىمىز - تازا، كوركەم تابيعاتىمىز، اسەم جەرلەرىمىز، كولدەرىمىز، تاۋلارىمىز. ەندى بىزدە ەكوتۋريزم باعىتى دامىسا دەيمىن. ءبىزدىڭ قازاقستاننىڭ كوركەم تابيعاتى باسقا جەردە جوق»، - دەپ اتاپ ءوتتى ءانشى.

سونىمەن بىرگە قازاقتىڭ ۇلتتىق ونەرى وزگە ەشقانداي ەلدەن ارتىق بولماسا، كەم ەمەس ەكەنىن دە تىلگە تيەك ەتتى.

Роза Рымбаева
Фото: Kazinform

«ءبىزدىڭ ۇلتتىق ونەرىمىز، ۇلتتىق شىعارماشىلىعىمىز وزگە ەلدەردەن ارتىق بولماسا، كەم ەمەس. ءداستۇرلى كۇي، ءان-جىرىمىز، ءبيىمىز بار. ءبىز وسى ۇلتتىق ونەرىمىزبەن دە تۋريستەرىمىزدى قىزىقتىرامىز دەپ ويلايمىن. وسى قىتايداعى قازاقستان تۋريزمى جىلىنىڭ رەسمي اشىلۋ سالتاناتىنا ءبىر قازاقشا، ءبىر قىتايشا ءان ورىندايمىن»، - دەپ اتاپ ءوتتى ءانشى روزا رىمبايەۆا.

ەستەرىڭىزگە سالا كەتەيىك، اتالعان ءىس- شارادا قازاقستاننىڭ حالىق ءارتىسى روزا رىمبايەۆا، ق ر ەڭبەك سىڭىرگەن ءارتىسى مايرا مۇحامەد قىزى، وپەرا ءانشىسى زارينا التىنبايەۆا، « ۇلىتاۋ» ەتنو- روك توبى، اباي اتىنداعى قازۇوبت حور ۇجىمى، «سەرپەر» جانە «سازگەن سازى» انسامبلدەرىنىڭ شىعارماشىلىق ۇجىمى باستاعان 150 گە جۋىق ونەرپاز ونەر كورسەتتى.

اۆتور

كۇنسۇلتان وتارباي

سوڭعى جاڭالىقتار