14:55, 09 - اقپان 2024 | GMT +6
ءبىز باتىل ارەكەت ەتەتىن ۇكىمەت بولامىز - ولجاس بەكتەنوۆ
استانا. KAZINFORM - پرەمەر-مينيستر ولجاس بەكتەنوۆ پرەزيدەنت تاپسىرمالارىن ىسكە اسىرۋعا ارنالعان كەڭەستە مينيسترلەردى قاعازباستىلىقتان ارىلۋعا شاقىردى.
«ءبىز باتىل ارەكەت ەتەتىن ۇكىمەت بولامىز. بىزگە ءوسۋ قارقىنىن ءتيىمدى ۇلعايتىپ، ەكونوميكانى بەلسەندىرەك ءارتاراپتاندىرۋعا، ينۆەستيتسيا تارتىپ، بارلىق مىندەتتەردى شەشۋگە قاجەتتى وكىلەتتىكتەردىڭ ءبارى بەرىلدى»، - دەدى ولجاس بەكتەنوۆ.
ۇكىمەت باسشىسى فورماليزم مەن بيۋروكراتيانى جويا وتىرىپ، ستەرەوتيپتەردەن ارىلۋ قاجەتتىگىن ايتتى.
«مينيسترلەر ءوز بەتىنشە شەشىم قابىلداي بىلۋگە ءتيىس، سالالىق ماسەلەلەردى ءوز دەڭگەيىندە جەدەل شەشۋلەرى قاجەت. جۇمىس قارقىنى جوعارى، تالاپ قاتاڭ بولاتىنىن اركىم ءتۇسىنۋى ءتيىس»، - دەپ قورىتىندىلادى پرەمەر- مينيستر.
اۆتور
ەسىمجان ناقتىباي
