ءبىرقاتار مەملەكەتتەردىڭ باسشىلارى قازاقستان پرەزيدەنتىن تاۋەلسىزدىك كۇنىمەن قۇتتىقتادى
استانا. KAZINFORM - قازاقستان رەسپۋبليكاسىنىڭ تاۋەلسىزدىك كۇنىنە وراي پرەزيدەنت قاسىم-جومارت توقايەۆتىڭ اتىنا شەت مەملەكەتتەردىڭ باسشىلارى مەن حالىقارالىق ۇيىمداردىڭ جەتەكشىلەرىنەن قۇتتىقتاۋ جەدەلحاتتارى كەلىپ ءتۇسىپ جاتىر، دەپ حابارلايدى اقوردانىڭ باسپا ءسوز قىزمەتى.
وزبەكستان پرەزيدەنتى شاۆكات ميرزيەيەۆ قاسىم- جومارت توقايەۆتى جانە قازاقستان حالقىن تاۋەلسىزدىك كۇنى مەرەكەسىمەن قۇتتىقتادى.
- جۇزدەگەن جىلداردان بەرى تاتۋ كورشى ءارى دوس سانالاتىن ەكى ەل اراسىنداعى ءوزارا سەنىم، قۇرمەت جانە قولداۋ رۋحىنداعى ستراتەگيالىق سەرىكتەستىك پەن وداقتاستىق قارىم- قاتىناس قارقىندى دامي بەرەتىنىنە سەنىمدىمىن، - دەلىنگەن جەدەلحاتتا.
قىرعىزستان پرەزيدەنتى سادىر جاپاروۆ تاۋەلسىز قازاقستاننىڭ مەملەكەت باسقارۋ، الەۋمەتتىك- ەكونوميكالىق دامۋ مەن بەلسەندى سىرتقى ساياسات جۇرگىزۋ ىستەرىندە ايتارلىقتاي تابىسقا قول جەتكىزگەنىنە توقتالعان.
- ەلدەرىمىزدىڭ اراسىنداعى سان عاسىرلىق دوستىققا، تاتۋ كورشىلىككە جانە ستراتەگيالىق سەرىكتەستىككە نەگىزدەلگەن بايلانىستىڭ الداعى ۋاقىتتا دا ورلەي بەرەتىنىنە كامىل سەنەمىن، - دەپ جازىلعان جەدەلحاتتا.
تاجىكستان پرەزيدەنتى ەمومالي راحمون قۇتتىقتاۋىندا قازاق- تاجىك بايلانىسىنىڭ قارقىندى سيپاتىن جوعارى باعالادى.
- ءبىز ءوزارا ءتيىمدى ىقپالداستىقتى دايەكتى تۇردە ىلگەرىلەتۋگە باسا ءمان بەرەمىز. سونىمەن قاتار مەملەكەتتەرىمىزدىڭ باستى مۇددەسىنە ساي ەكى ەل اراسىنداعى ىنتىماقتاستىقتى دامىتۋ ءۇشىن ناقتى قادامدار جاساۋعا دايىنبىز، - دەپ جازعان تاجىكستان پرەزيدەنتى.
تۇرىكمەنستان پرەزيدەنتى سەردار بەردىمۇحامەدوۆ مەملەكەت باسشىسى مەن قازاقستان حالقىن تاۋەلسىزدىك كۇنى مەرەكەسىمەن قۇتتىقتاپ، ەكىجاقتى بايلانىس بارلىق باعىت بويىنشا تابىستى ورلەي تۇسكەنىنە نازار اۋدارعان.
- بۇل ورايدا ءسىزدىڭ جاقىندا تۇرىكمەنستانعا جاساعان رەسمي ساپارىڭىز ەرەكشە ماڭىزعا يە. اشحابادتا جۇرگىزگەن كەلىسسوزدەر اياسىندا قول جەتكىزىلگەن ۋاعدالاستىقتار ەلدەرىمىز اراسىنداعى قارىم- قاتىناستى ودان ءارى دامىتۋعا ايتارلىقتاي ۇلەس قوسارىنا سەنىمىم مول، - دەپ جازىلعان جەدەلحاتتا.
مەملەكەت باسشىسىنا سونداي- اق تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ تە قۇتتىقتاۋىن جولداعان.
سونىمەن قاتار قازاقستان رەسپۋبليكاسىنىڭ تاۋەلسىزدىك كۇنىنە وراي جەدەلحاتتارىن ب ا ءا پرەزيدەنتى شەيح مۇحاممەد بەن زايد ءال ناحايان، ب ا ءا ۆيتسە- پرەزيدەنتى، پرەمەر- ءمينيسترى، دۋباي ءامىرشىسى شەيح مۇحاممەد بەن راشيد ءال ماكتۋم، ساۋد ارابياسىنىڭ كورولى، قوس كيەنىڭ ساقشىسى سالمان بەن ابدۋلازيز ءال ساۋد، ساۋد ارابياسى كورولىنىڭ تاق مۇراگەرى، مينيسترلەر كەڭەسىنىڭ ءتوراعاسى مۇحاممەد بەن سالمان بەن ابدۋلازيز ءال ساۋد، ۋكراينا پرەزيدەنتى ۆلاديمير زەلەنسكي، پالەستينا پرەزيدەنتى ماحمۋد ابباس، ليۆيا پرەزيدەنتتىك كەڭەسىنىڭ ءتوراعاسى مۇحاممەد يۋنۋس ءال- مانفي، تمد باس حاتشىسى سەرگەي لەبەديەۆ، تمۇ باس حاتشىسى كۋبانىچبەك ومىراليەۆ، تاتارستان رايسى رۇستەم ميننيحانوۆ جانە باسقالارى جولدادى.
ايتا كەتەيىك، 16-جەلتوقساندا قازاقستان رەسپۋبليكاسىنىڭ «مەملەكەتتىك تاۋەلسىزدىگى تۋرالى» كونستيتۋتسيالىق زاڭعا قول قويىلعانىنا 33 جىل تولدى.
