ءبىرقاتار ەلمەن قازاقستاننان بارعان جۇمىسشىلاردىڭ قۇقىعىن قورعاۋ كەلىسىمدەرى بەكىتىلمەك
استانا. KAZINFORM - «قازاقستاننان بارعان جۇمىسشىلاردى قاتاردا جۇمىسقا ورنالاستىرۋدى رەتتەۋ تۋرالى كەلىسىمگە قول قويۋ تۋرالى» ق ر ۇكىمەتىنىڭ قاۋلىسى قابىلداندى.
بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اسقاربەك ەرتايەۆ ءمالىم ەتتى.
«قازاقستاننان كەلگەن ەڭبەك ميگرانتتارىنىڭ ەڭبەك جانە الەۋمەتتىك قۇقىقتارىن قامتاماسىز ەتۋ ماقساتىندا تۇركيا، بىرىككەن اراب امىرلىكتەرى، ا ق ش، ۇلى بريتانيا، وڭتۇستىك كورەيا، سونداي-اق يزرايلمەن كەلىسىمدەر جاساسۋ جۇمىستارى جالعاسىپ جاتىر. بۇل قۇجاتتار وسى ەلدەردەگى قازاقستان ازاماتتارىنىڭ ەڭبەك قىزمەتى ماسەلەلەرىن رەتتەيدى. قازىرگى كەزدە «قازاقستان رەسپۋبليكاسىنىڭ ۇكىمەتى مەن قاتار مەملەكەتىنىڭ ۇكىمەتى اراسىنداعى قازاقستاننان كەلگەن جۇمىسشىلاردى قاتاردا جۇمىسقا ورنالاستىرۋدى رەتتەۋ تۋرالى كەلىسىمگە قول قويۋ تۋرالى» ق ر ۇكىمەتىنىڭ قاۋلىسى قابىلداندى»، - دەدى ا. ەرتايەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، بۇعان قوسا، قازاقستان ازاماتتارىنىڭ شەتەلدەگى ەڭبەك قىزمەتىن ۇيىمداستىرۋ بولىگىندە جۇمىسپەن قامتۋدىڭ جەكەشە اگەنتتىكتەرىنىڭ قىزمەتىن رەتتەۋ تەتىكتەرى قايتا قارالىپ جاتىر.
«الماتى، شىعىس قازاقستان جانە تۇركىستان وبلىستارىندا قازاقستاندىقتاردى ساپارعا دەيىن وقىتۋعا ارنالعان ورتالىقتار قۇرىلدى. ونىڭ نەگىزگى مىندەتى - شەتەلدە جۇمىسقا ورنالاسقىسى كەلەتىن كانديداتتاردى تىلدىك كۋرستاردان وتكىزۋ، كاسىبي بىلىكتىلىگىن ارتتىرۋ»، - دەدى ۆيتسە- مينيستر.
