22:15, 20 - ناۋرىز 2024 | GMT +6

بالبىراۋىن، اداي، سارىارقا: ەكى ميلليونعا جۋىق وقۋشى ءبىر مەزەتتە كۇي تارتتى

استانا. KAZINFORM - ەلىمىزدەگى بارلىق ءبىلىم بەرۋ ۇيىمدارىندا #كۇيكۇمبىرى رەسپۋبليكالىق چەللەندجى ءوتتى. ءبىر ۋاقىتتا ەكى ميلليونعا جۋىق بالا قۇرمانعازىنىڭ «بالبىراۋىن»، «اداي»، «سارىارقا» كۇيلەرىن ورىندادى، دەپ حابارلايدى وقۋ-اعارتۋ مينيسترلىگىنىڭ باسپا ءسوز قىزمەتى.

استاناداعى رايىمبەك باتىر اتىنداعى № 50 «قازعارىش» مەكتەپ-ليتسەيى وقۋشىلارىنىڭ قاتارىنا وقۋ-اعارتۋ ءمينيسترى عاني بەيسەمبايەۆ قوسىلدى.

چەللەندج قاتىسۋشىلارىنا ارناعان سوزىندە ۆەدومستۆو باسشىسى سوڭعى ۋاقىتتا ەلىمىزدە دومبىرادا ويناعىسى كەلەتىندەردىڭ سانى ەداۋىر ارتقانىن اتاپ ءوتتى.

«كونەدەن كەلە جاتقان بۇل ۇلتتىق اسپابىمىز حالقىمىزدىڭ جانىن، ونىڭ ءداستۇرى مەن مادەنيەتىن بەينەلەيدى. ۇلتتىڭ رۋحىن كوتەرىپ، داڭقىن اسقاقتاتقان دومبىرا ءبىزدىڭ باعا جەتپەس بايلىعىمىز بەن ۇلتتىق سيمۆولىمىزعا اينالدى. ءبىزدىڭ وقۋشىلارىمىز، ولارمەن بىرگە بالاباقشالاردىڭ كىشكەنتاي تاربيەلەنۋشىلەرى، كوللەدج ستۋدەنتتەرى ۇلتتىق اسپاپتا ويناۋعا قىزىعۋشىلىق تانىتاتىنى قۋانتادى. بۇگىندە ەلىمىزدىڭ ءار وڭىرىندە ءبىر مەزەتتە كۇيلەر مەن تانىمال كومپوزيتورلاردىڭ شىعارمالارى شىرقالدى. ولاردىڭ تۋىندىلارى ارقىلى ءبىزدىڭ مادەني قۇندىلىقتارىمىز ۇرپاقتان-ۇرپاققا بەرىلەدى. ءبىزدىڭ وسكەلەڭ ۇرپاق وسى كيەلى ونەردى ۇلىقتاۋدى لايىقتى تۇردە جالعاستىرادى دەپ سەنەمىن»، - دەدى عاني بەيسەمبايەۆ.

К челленджу по исполнению кюев присоединился министр просвещения РК Гани Бейсембаев — فوتو: وقۋ- اعارتۋ مينيسترلىگى

چەللەندج سوڭىندا مينيستر مەكتەپتىڭ 300 وقۋشىسىمەن بىرگە حالىق كۇيىن ورىندادى.

مەرەكەلىك ەستافەتاعا ەكى ميلليونعا جۋىق قازاقستاندىق بالا قوسىلدى.

چەللەندج سوڭىندا مينيستر مەكتەپتىڭ 300 وقۋشىسىمەن بىرگە حالىق كۇيىن ورىندادى.

مەرەكەلىك ەستافەتاعا ەكى ميلليونعا جۋىق قازاقستاندىق بالا قوسىلدى. ەڭ كىشكەنتايى - اباي وبلىسى، سەمەي قالاسىنداعى «باقىت» بالاباقشاسىنىڭ تاربيەلەنۋشىلەرى.