ءبىر جىلدا ينفلياتسيا 8,4 پايىز بولدى: اسىرەسە تاريفتەر 43 پايىزعا دەيىن ءوسىپ كەتكەن

тариф
فوتو: الەكساندر پاۆسكي/kazinform

استانا. قازاقپارات - 2024 -جىلعى ماۋسىمدا تۇتىنۋ باعالارىنىڭ ايلىق يندەكسى 0,4 پايىز بولدى (وتكەن ايداعىداي). ازىق-تۇلىككە جاتپايتىن تاۋارلار مەن اقىلى قىزمەتتەردىڭ باعاسى 0,6 پايىز ءوستى. ازىق-تۇلىك تاۋارلارى باعاسىنىڭ يندەكسى - 100 پايىز. بۇل جايىندا ۇلتتىق ستاتبيۋرودان حابارلاندى.

ماۋسىمدا باعانىڭ ءوسۋى اس ءۇي پليتاسىنا - 8,4 پايىز، اۋا باپتاعىشقا - 4,6 پايىز، كىر جۋاتىن ماشيناعا 4 پايىز بايقالدى.

جيھاز جانە ۇيگە قاجەت زاتتار - 1,7 پايىز، كيىم جانە اياق كيىم - 0,9 پايىز، توقىما بۇيىمدارى، جەكە پايدالانۋعا ارنالعان تاۋارلار 0,5 پايىزدان قىمباتتادى.

كەشەندى دەمالىستى ۇيىمداستىرۋ بويىنشا قىزمەت باعاسى 13 پايىز، ساناتوريلەر - 5,6 پايىز، بالالار اتتراكتسيوندارى - 4,4 پايىز ءوستى.

شاشتاراز بەن سۇلۋلىق سالوندارى - 1,9 پايىز، قوعامدىق تاماقتانۋ 1 پايىز قىمباتتادى.

ازىق- تۇلىك ونىمدەرىنەن قيار باعاسى - 18,7 پايىز، قىرىققابات - 18 پايىز، ءتاتتى بۇرىش - 17,9 پايىز، سارىمساق - 14,9 پايىز، قىزاناق - 13,3 پايىز، ليمون - 7,4 پايىز ارزاندادى.

كارتوپ باعاسى - 10,7 پايىز، ءجۇزىم - 3,6 پايىز، الما - 2,1 پايىز، ءسابىز - 1,9 پايىز قىمباتتادى.

وڭىرلەر اراسىندا ەڭ جوعارى ايلىق ينفلياتسيا اقمولا وبلىسىندا - 1 پايىز (ورتاشا رەسپۋبليكالىق دەڭگەيدەن 0,6 پ. ت. جوعارى)، ەڭ تومەنى - اقتوبە جانە الماتى وبلىستارىندا 0,1 پايىز تىركەلدى.

وڭىرلەر بولىنىسىندە ەڭ جوعارى ازىق-تۇلىك باعاسى ماڭعىستاۋ وبلىسىندا 0,8 پايىز، ازىق-تۇلىككە جاتپايتىن تاۋارلار - تۇركىستان وبلىسىندا 2 پايىز، اقىلى قىزمەتتەر - اقمولا جانە باتىس قازاقستان وبلىستارىندا تيىسىنشە 2,5 پايىز جانە 2,6 پايىز ءوستى.

2024 -جىلعى ماۋسىمدا جىلدىق ماندە ينفلياتسيا دەڭگەيى - 8,4 پايىز بولدى.

اقىلى قىزمەتتەر - 13,8 پايىز، ازىق- تۇلىك ەمەس تاۋارلار - 7,4 پايىز، ازىق-تۇلىك تاۋارلارىنىڭ باعاسى 5,4 پايىز ءوستى.

2023 -جىلعى ماۋسىممەن سالىستىرعاندا تاريفتەر سۋ بۇرۋعا - 43,5 پايىز، سۋىق سۋعا - 36,7 پايىز، ورتالىقتاندىرىلعان جىلىتۋعا - 33 پايىز، ەلەكتر ەنەرگياسىنا - 31,7 پايىز، قوقىس شىعارۋعا - 30,7 پايىز، ىستىق سۋعا - 30,4 پايىز ءوستى.

اتسەتيلساليتسيل قىشقىلىنىڭ باعاسى - 60,8 پايىز، بەلسەندىرىلگەن كومىرگە - 33,1 پايىز، حيلاك فورتەگە - 24,7 پايىز، پاراتسەتامولعا - 23 پايىز ءوستى.

ءجۇزىم - 29 پايىز، قىزىلشا - 24,9 پايىز، ءزايتۇن مايى - 21,3 پايىز، قىزاناق - 19,8 پايىز، بانان - 18,5 پايىز قىمباتتادى.

كەرىسىنشە جىلدىق ماندە پياز - 40,4 پايىز، قاراقۇمىق جارماسى - 23,1 پايىز، كۇنباعىس مايى - 22,3 پايىز، قىرىققابات - 22,1 پايىز، قۇمشەكەر 5,6 پايىز ارزاندادى.

ينفلياتسيا دەڭگەيىن سيپاتتايتىن تۇتىنۋ باعالارى يندەكسىنىڭ كورسەتكىشى اي سايىن ەسەپتەلەدى.

باقىلاۋ قىزمەتتەر مەن تاۋارلاردىڭ ءتاريفى مەن باعاسى - بارلىعى 508 پوزيتسيا بويىنشا جۇرگىزىلەدى.

ينفلياتسيا بويىنشا ديناميكالىق وزگەرىستەردى 2018 -جىلدان باستاپ كورسەتكىشتەر قامتىلعان ارنايى ازىرلەنگەن ينتەراكتيۆتى داشبوردتا كورۋگە بولادى.

ايتا كەتەيىك، 2024 -جىلعى قاڭتاردان باستاپ تۇتىنۋ باعالارىنىڭ يندەكسىن ەسەپتەگەندە ازىق- تۇلىك تاۋارلارىنىڭ ۇلەسى - 42 پايىز، ازىق-تۇلىككە جاتپايتىن تاۋارلار - 29,8 پايىز، اقىلى قىزمەتتەر - 28,2 پايىز بولدى.

اۆتور

جانات قاپالبايەۆا

سوڭعى جاڭالىقتار