ءبىر جىلدا 961 مىڭ قازاقستاندىق جۇمىسقا ورنالاستىرىلعان - ەڭبەك مينيسترلىگى

وتكەن 2023-جىلى مەملەكەتتىڭ بارلىق الەۋمەتتىك مىندەتتەمەلەرى ۋاقتىلى جانە تولىق كولەمدە ورىندالدى. ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ءوزىنىڭ جاڭاجىلدىق قۇتتىقتاۋىندا وسىلاي دەدى، دەپ حابارلايدى Kazinform.

مينيستر تارتاقان مالىمەتتەرگە قاراعانا، بۇگىنگى كۇنى رەسپۋبليكالىق بيۋجەت قاراجاتى ەسەبىنەن بازالىق جانە ىنتىماقتى زەينەتاقىنى قوسا العاندا، الەۋمەتتىك تولەمدەردىڭ 41 ءتۇرى تولەنەدى. وتكەن جىلى جاردەماقىلار مەن زەينەتاقىلاردى تولەۋگە 4,4 ميلليون ادامعا، ونىڭ ىشىندە 2,3 ميلليون زەينەتكەر مەن 2,1 ميلليون مەملەكەتتىك جاردەماقى الۋشىعا 4,6 تريلليون تەڭگە جۇمسالدى.

وسى جىلدىڭ 11 ايىندا ومىرلىك قيىن جاعدايعا تاپ بولعان 595,7 مىڭنان استام قازاقستاندىق 52,4 ميلليارد تەڭگەدەن استام سوماعا اتاۋلى الەۋمەتتىك كومەك تۇرىندە مەملەكەتتەن قولداۋ الدى. ا ا ك الۋشىلار اراسىنان 1 جاستان 6 جاسقا دەيىنگى ءاربىر بالاعا 1,5 ا ە ك مولشەرىندە 6,7 ميلليارد تەڭگە سوماسىنا 186,1 مىڭ بالاعا قوسىمشا تولەم تاعايىندالدى.

«جۇمىسپەن قامتۋعا جاردەمدەسۋ شارالارىنىڭ كەشەنىن ىسكە اسىرۋ جۇمىسسىزدىق دەڭگەيىن %4,7 عا دەيىن تومەندەتۋگە ىقپال ەتتى. بيىل 961,9 مىڭ قازاقستاندىق جۇمىسقا ورنالاستىرىلدى. وقىتۋ جانە كاسىپتىك باعدار بەرۋ تۇرىندە حالىقتى جۇمىسپەن قامتۋعا جاردەمدەسۋدىڭ قوسىمشا شارالارىمەن شامامەن 311,1 مىڭ ادام قامتىلدى»، - دەدى مينيستر.