ءبىر جىلدا 2,6 مىڭ ەڭبەككەر جۇمىس ىستەپ ءجۇرىپ مايىپ بولعان

استانا.قازاقپارات - 2023 -جىلى ەلىمىزدە ەڭبەك قىزمەتىنە بايلانىستى 2670 ادام جاراقات العان. بۇل جايىندا ۇلتتىق ستاتبيۋرودان حابارلاندى.

جازاتايىم وقيعالاردىڭ نەگىزگى بولىگى ءىرى جانە ورتا كاسىپورىنداردا بولعان - 2244 زارداپ شەگۋشى.

جاراقات تانۋدىڭ ەڭ جوعارى كورسەتكىشى قاراعاندى وبلىسىندا ساقتالىپ وتىر.

بىلتىر بۇل ايماقتا 496 جاعداي تىركەلگەن.

سالالار بويىنشا جاراقاتتانعاندار ۇلەسى:

وڭدەۋ ونەركاسىبى - %34,1

تاۋ- كەن ونەركاسىبى -%20,5

قۇرىلىس - %14,1.

جازاتايىم وقيعادان بولعان جاراقاتتىڭ نەگىزگى تۇرلەرى جابىق سىنىقتار (611 ادام) ، سىرتقى جاراقات (507 ادام)، شايقالۋدان بولعان جاراقات جانە ىشكى اعزا جاراقاتتارى (276 ادام)، اشىق سىنىقتار (138 ادام)، تەرميكالىق كۇيىكتەر (102 ادام) بولدى.

زارداپ شەككەندەردىڭ جالپى سانىنان ايەلدەر ۇلەسى - % 18,2.

ەسەپتى جىلى ەڭ كوپ تارالعان كاسىپتىك اۋرۋلار: دورسالگيا - سپەتسيفيكالىق ەمەس ارقا اۋرۋى (414 ادام)؛ قۇرامىندا كرەمني بار شاڭنان تۋىنداعان پنيەۆموكونيوز (136 ادام) .