ءبىر-ءبىرىنىڭ شاشىن جۇلىپ، توبەلەسكەن: وقۋشى قىزداردى مۇعالىمدەر اراشالاپ الدى

باتىس قازاقستان وبلىسىنداعى مەكتەپتەردىڭ بىرىندە 11-سىنىپتىڭ وقۋشى قىزدارى سپورت زالدىڭ جانىندا توبەلەسكەن. ولاردى مۇعالىمدەر اراشالاپ الدى، دەپ حابارلايدى BAQ.KZ.

قازاقستاننىڭ باتىسىندا وقۋشى قىزداردىڭ جانجالى سوتقا دەيىن جەتتى. سوت وتىرىسى بارىسىندا مەكتەپتەردىڭ بىرىندە ەكى 11-سىنىپ وقۋشىسى اراسىندا كەلىسپەۋشىلىك تۋىنداعانى بەلگىلى بولدى.

جانجال ناعىز توبەلەسكە ۇلاسقان. وقۋشىلار ءبىر-ءبىرىنىڭ شاشىن جۇلىپ، سويقان شىعارعان. توبەلەسكەن قىزداردى مۇعالىمدەر اراشالاعانى انىقتالدى.

سوتتا كامەلەتكە تولماعاندار ءىس ماتەريالدارىندا كورسەتىلگەن ءمان-جايلارمەن ءىشىنارا كەلىستى. دەگەنمەن، جانجالدى ءبىرىنشى بولىپ باسقا سىنىپتىڭ وقۋشىلارى باستاعانىن العا تارتتى.

«سوت پروتسەسس قاتىسۋشىلارىن تىڭداپ، ءىس ماتەريالدارىن زەردەلەپ جانە ۇسىنىلعان دالەلدەمەلەرگە باعا بەرە كەلە، پروكۋروردىڭ ولاردى كىنالى دەپ تانۋ قاجەتتىلىگى تۋرالى قورىتىندىسىمەن كەلىستى. كامەلەتكە تولماعانداردى اكىمشىلىك جاۋاپكەرشىلىككە تارتۋعا نەگىز بار دەگەن تۇجىرىمعا كەلدى. سودان كەيىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگىمەن كىنالى دەپ تانىلىپ، ولاردىڭ زاڭدى وكىلدەرىنە بارلىق قۇنى 43250 تەڭگە ايىپپۇل سالىنعان»، - دەپ حابارلادى ب ق و وبلىستىق سوتىنىڭ باسپا ءسوز قىزمەتى.

قاۋلى زاڭدى كۇشىنە ەنگەن جوق.