«ءبىر بەلدەۋ - ءبىر جول» جوباسىن 140 مەملەكەت قولداپ وتىر
قاشقار. KAZINFORM - ورتالىق جانە وڭتۇستىك ازيا مەملەكەتتەرى اراسىنداعى ەكونوميكانىڭ ودان ءارى ىلگەرلەۋىنە، تۋريزمنىڭ دامۋىنا بۇقارالىق اقپارات قۇرالدارى دا ىقپال ەتتى. بۇل تۋرالى «شىڭجاڭ- قاشقار» جارمەڭكەسى اياسىندا وتكەن كونفەرەنسيا بارىسىندا جۋرناليستەر ايتتى.
ورتالىق جانە وڭتۇستىك ازيا ەلدەرىنىڭ تاۋار وندىرۋشىلەرىنە ارنالعان «شىڭجاڭ- قاشقار» جارمەڭكەسىنە قىرعىزستان، وزبەكستان، تاجىكستان، اۋعانستان جانە قازاقستاننىڭ بارلىعى 20 بۇقارالىق اقپارات قۇرالى وكىلدەرى قاتىستى. CNS قىتاي مەملەكەتتىك اگەنتتىگىنىڭ شينجياڭ فيليالى باس رەداكتورىنىڭ ورىنباسارى ۆان جيان شەننىڭ ايتۋىنشا، ورتالىق ازيا ەلدەرىنىڭ جۋرناليستەرىن قىتايدا وتەتىن اۋقىمدى شارالارعا شاقىرۋ داستۇرگە اينالعان. بۇل اقپارتتى شىنايى ءارى دەر كەزىندە جەتكىزۋگە مۇمكىندىك تۋعىزادى.
«2013 -جىلى ق ح ر توراعاسى شي جينپيڭ قازاقستانعا جاساعان رەسمي ءىس ساپارى بارىسىندا ۇلى جىبەك جولى بويىندا ورنالاسقان ەلدەر ءۇشىن ەكونوميكالىق بەلدەۋ قۇرۋدى ۇسىنعان بولاتىن. ال 2023 -جىلى قىتاي مەن ورتالىق ازيا ەلدەرىنىڭ العاشقى ءسامميتى ءوتتى. ون جىل ىشىندە كوپتەگەن وڭ وزگەرىس بولدى. ونى وزدەرىڭىز دە كورسەتىپ، جازىپ جۇرسىزدەر»، - دەدى ول.
وزبەكستاندىق جۋرناليست اسادبەك بوبوجونوۆ قىتاي مەن ورتالىق ازيا مەملەكەتتەرى اراسىنداعى «ءبىر بەلدەۋ - ءبىر جول» مەگا جوباسىنا قازىر ەۋروپا ەلدەرى دە قىزىعۋشىلىق تانىتىپ وتىرعانىن جەتكىزدى.
«رەسمي دەرەكتەرگە سۇيەنەر بولساق، قازىر 140 مەملەكەت پەن 30 حالىقارالىق ۇيىم «ءبىر بەلدەۋ - ءبىر جول» جوباسىن قولداپ وتىر. بۇل اتالعان باعدارلاماعا الداعى ۋاقىتتا ەۋروپا ەلدەرى دە قوسىلۋى مۇمكىن دەگەندى بىلدىرەدى»، - دەيدى ول.
جۋرناليستەردىڭ پىكىرىنشە، قىتاي مەن ورتالىق جانە وڭتۇستىك ازيا مەملەكەتتەرى اراسىنداعى ەكونوميكانىڭ ودان ءارى ىلگەرىلەۋىنە، تۋريزمنىڭ دامۋىنا بۇقارالىق اقپارات قۇرالدارى دا ىقپال ەتتى.
وسىعان دەيىن، جارمەڭكەگە قازاقستانان 10 كومپانيا قاتىسىپ جاتقانى تۋرالى جازعان بولاتىنبىز.
سونداي- اق قىتايدىڭ CNS اگەنتتىگى Kazinform مەن بىرلەسىپ جۇمىس ىستەۋگە نيەتتى ەكەنىن جەتكىزگەن ەدى.
اۆتور
الما مۇقانوۆا
