ءبىلىم بەرۋ نەسيەسىن كىمدەر الا الادى

«قارجى ورتالىعى» - ءبىلىم بەرۋ سالاسىنداعى ۋاكىلەتتى ورگاننىڭ وپەراتورى. ول ستۋدەنتتەرگە تىكەلەي نەسيە بەرمەيدى، بانكتەر ۇسىناتىن ءبىلىم بەرۋ نەسيەلەرىنە كەپىلدىك بەرەدى.

ورتالىقتىڭ مالىمەتىنشە، مەملەكەتتىك كەپىلدىك بەرۋ ءتارتىبى عىلىم جانە جوعارى ءبىلىم مينيسترىنىڭ 2023-جىلعى 27-ساۋىردەگى  189-جانە وقۋ-اعارتۋ ءمينيسترىنىڭ 2023-جىلعى 24-قازانداعى  320-بۇيرىقتارىمەن بەكىتىلگەن قاعيدالارعا نەگىزدەلگەن.

- مەملەكەت كەپىلدىگىمەن ءبىلىم بەرۋ كرەديتتەرى تەحنيكالىق جانە كاسىپتىك ءبىلىم بەرۋ باعدارلامالارى (كوللەدجدەر)، ورتا بىلىمنەن كەيىنگى ءبىلىم بەرۋ باعدارلامالارى (جوعارى كوللەدجدەر مەن ۋچيليشەلەر)، جوعارى ءبىلىم بەرۋ باعدارلامالارى (باكالاۆريات، ينتەرناتۋرا) جانە جوعارى وقۋ ورنىنان كەيىنگى ءبىلىم بەرۋ باعدارلامالارى (ماگيستراتۋرا، رەزيدەنتۋرا، دوكتورانتۋرا) بويىنشا ءبىلىم الۋشىلارعا بەرىلەدى، - دەلىنگەن رەسمي جاۋاپتا.

ءبىلىم بەرۋ نەسيەسىن 18 جاسقا تولماعان تالاپكەرلەر دە راسىمدەي الادى. ءبىراق بۇل ءۇشىن اتا-اناسىنىڭ نەمەسە وزگە زاڭدى وكىلىنىڭ جازباشا كەلىسىمى قاجەت.

ال تۇراقتى تابىسى جوق ستۋدەنتتەردىڭ نەسيە الۋ مۇمكىندىگىن بانك جەكە باعالايدى. ول ءوتىنىش بەرۋشىنىڭ نەسيە تاريحىن، بۇرىنعى قارىزدارى بويىنشا بەرەشەگىن جانە تابىسىن راستايتىن قۇجاتتاردى تەكسەرەدى.

بانك قاجەت دەپ تاپسا، ستۋدەنتپەن بىرگە قارىزدى وتەۋگە جاۋاپ بەرەتىن تاعى ءبىر ادامدى تارتۋدى تالاپ ەتە الادى. وسىلايشا، ءبىلىم بەرۋ نەسيەسى ءارتۇرلى دەڭگەيدە وقيتىندارعا ارنالعان. الايدا ونى راسىمدەۋ ءۇشىن بانكتىڭ تالاپتارىنا ساي بولۋ قاجەت.

بۇعان دەيىن ەلىمىزدە جەڭىلدەتىلگەن ءبىلىم بەرۋ نەسيەسى قاراستىرىلعانىن جانە 2025-جىلدان باستاپ «كەلەشەك» ءبىلىم بەرۋ جيناقتاۋ جۇيەسى ىسكە قوسىلعانىن حابارلاعان ەدىك.