عارىشكەر ايدىن ايىمبەتوۆ «بايتەرەك» قازاق-ورىس بىرلەسكەن كاسىپورنىن باسقارادى

استانا. KAZINFORM - عارىشقا ۇشقان سوڭ قازعارىش جۇيەسىندە جۇمىس ىستەي باستاعان قازاقستاندىق عارىشكەر ايدىن ايىمبەتوۆكە جاڭا مىندەت جۇكتەلدى.

بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ۇلتتىق عارىش ورتالىعىندا وتكەن ر ع ب و- نىڭ 20 جىلدىعىنا ارنالعان سالتاناتتى جيىندا مالىمدەدى.

ايدىن ايىمبەتوۆ 2024-جىلعى 1- ناۋرىزدا «بايتەرەك» بىرلەسكەن قازاقستان-رەسەي كاسىپورنى» ا ق ديرەكتورلار كەڭەسىنىڭ شەشىمىمەن «بايتەرەك» ب ك» ا ق باسقارما ءتوراعاسى بولىپ سايلاندى.

«ايدىن اقان ۇلىن قىزمەتكە تاعايىندالۋىمەن قۇتتىقتاعىم كەلەدى. ءسىز عارىش يندۋسترياسى ءۇشىن جانە جالپى سالاعا كوپ ەڭبەك ءسىڭىردىڭىز. ءسىز توعىز جىلعا جۋىق ەڭبەك ەتىپ كەلە جاتقان «قازاقستان عارىش ساپارىنىڭ» بۇكىل ۇجىمىنا جاڭالىقتارى ءۇشىن العىس ايتقىم كەلەدى. بۇل - جەردى قاشىقتىقتان زوندتاۋدى قولداۋ عانا ەمەس، سونىمەن قاتار سيفرلاندىرۋ مەن عارىشتىق تەحنولوگيالاردى بىرىكتىرۋدىڭ ناتيجەسى سانالاتىن بىرنەشە سيفرلىق پلاتفورما. مەن ەل ەكونوميكاسىنا ناقتى قولداۋ كورسەتەتىن «جەرينسپەكتور»، «مينەرالس. ك ز» جانە ت. ب عارىش مونيتورينگى جوبالارىن ايتىپ وتىرمىن»، - دەدى مينيستر ءوز سوزىندە.

ب. مۋسين سونداي-اق «بايتەرەك» بىرلەسكەن جوباسىن جۇزەگە اسىرۋدان ۇلكەن ءۇمىت كۇتەتىنىن ايتتى.

«ءسىزدىڭ جۇمىس تاجىريبەڭىزدى ەسكەرە وتىرىپ، ەكى جىل ىشىندە ءسىزدىڭ باسشىلىعىڭىزبەن بۇل جۇمىستى اياقتاپ، قازاقستاندىق «بايتەرەك» زىمىرانتاسىعىش كەشەنىنەن العاشقى ۇشىرىلىمدى تويلايمىز دەپ ۇمىتتەنەمىز»، - دەپ تۇيىندەدى مينيستر.

ا. ايىمبەتوۆ عارىشقا ۇشقاننان كەيىن ءۇش اي وتكەن سوڭ، 2016-جىلدىڭ 5- قاڭتارىندا «قازاقستان عارىش ساپارى» ۇ ك» ا ق عارىش جۇيەلەرىن قۇرۋ جانە پايدالانۋ جونىندەگى ۆيتسە-پرەزيدەنتى قىزمەتىنە كىرىستى.

2021-جىلدىڭ 13- قىركۇيەگىنەن باستاپ «قازاقستان عارىش ساپارى» ۇ ك» ا ق باسقارما ءتوراعاسى بولدى.