ءاربىر وبلىس ورتالىعىندا ۇستەل تەننيسىنە ارنالعان زالدار بولۋى كەرەك - قاسىم-جومارت توقايەۆ

ەلوردا نىساندارىن ارالاۋ بارىسىندا قاسىم-جومارت توقايەۆ ADD Table Tennis Center Astana ۇستەل تەننيسى ورتالىعىنىڭ جۇمىسىمەن تانىستى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.

مەملەكەت باسشىسىنا اتالعان ورتالىقتىڭ حالىقارالىق ۇستەل تەننيسى فەدەراتسياسىنىڭ (ITTF) تالاپتارىنا تولىق ساي كەلەتىنى جونىندە مالىمەت بەرىلدى. سپورت نىسانىندا رەسپۋبليكالىق جانە حالىقارالىق تۋرنيرلەر وتكىزۋگە، سونداي-اق ەلىمىزدىڭ ۇلتتىق قۇراماسىنىڭ وقۋ-جاتتىعۋ جيىندارىن ۇيىمداستىرۋعا بولادى.

جالپى اۋدانى 3700 شارشى مەتردى قۇرايتىن ورتالىق جارىس كەزىندە 16, ال جاتتىعۋ كەزىندە 26 تەننيس ۇستەلىن قويۋعا ەسەپتەلگەن.

سونىمەن قاتار مۇندا 416 ادامعا ارنالعان كورەرمەندەر تريبۋناسى، جاتتىعۋ زالى، مەديتسينا كابينەتى، باپكەرلەر مەن تورەشىلەر بولمەسى بار.

«ءاربىر وبلىس ورتالىعىندا ۇستەل تەننيسىنە ارنالعان زالدار بولۋى كەرەك. حالىق سپورتپەن شۇعىلدانۋى قاجەت»، - دەدى پرەزيدەنت.