ءاربىر 250-قازاقستاندىق شەتەلدە ءبىلىم الىپ جاتىر

استانا. KAZINFORM - يۋنەسكو- نىڭ 2022 -جىلعا ارنالعان مالىمەتىنشە، الەمدە 7 ميلليونعا جۋىق ستۋدەنت شەتەلدە ءبىلىم الىپ جاتىر، دەپ حابارلايدى Economy.kz.

شەتەلدە ءبىلىم الىپ جۇرگەن ستۋدەنتتەردىڭ سانى بويىنشا الەمدەگى ەڭ ۇزدىك 15 ەلدىڭ اراسىندا قىتاي (1 ميلليوننان استام ستۋدەنت) كوش باستاسا، قازاقستان ءتىزىمنىڭ سوڭىندا (78 مىڭنان استام ستۋدەنت) تۇر.

دەگەنمەن، ەل تۇرعىندارىنىڭ شەتەلدە وقيتىن ستۋدەنتتەرگە قاتىناسىن ەسەپتەيتىن بولساق، الەمدەگى توپ-3 ەلدىڭ قاتارىنا سيريا، وزبەكستان جانە قازاقستان كىرەدى. قازاقستاننىڭ ءاربىر 250- تۇرعىنى شەتەلدە ءبىلىم الىپ جاتىر.

ج ءى و دەڭگەيىن تالداۋ كورسەتكەندەي، سيريا، نەپال، وزبەكستان جانە قازاقستاننىڭ ەكونوميكالىق كورسەتكىشتەرى تومەن بولعانىنا قاراماستان، بۇل ەلدەر ءوز جاستارىن شەتەلگە وزىق ءبىلىم الۋعا جىبەرۋگە تىرىسىپ كەلەدى.

مىسالى، دۇنيەجۇزىلىك بانكتىڭ 2022 -جىلعى مالىمەتىنشە، قازاقستان ءجىو دەڭگەيى بويىنشا الەمدە 54- ورىندا، ءبىراق شەتەلدە ءبىلىم الاتىن ستۋدەنتتەر سانى جاعىنان الەمدەگى توپ-15 ەلدىڭ قاتارىنا كىرەدى.

* قازاقستاندا شەتەلدە ءبىلىم الاتىن ستۋدەنتتەر سانىنىڭ قىسقارۋىنىڭ تۇراقتى ءۇردىسى بايقالىپ وتىر. 2019-2022 -جىلدارى ولاردىڭ سانى 11 مىڭ ستۋدەنتكە، نەمەسە %12دان استامعا قىسقاردى؛

* شەتەلدە ءبىلىم الاتىن ستۋدەنتتەر سانىنىڭ ازايۋى قازاقستانداعى جوعارى ءبىلىمنىڭ دامىعانىن تانىتىپ وتىر؛

* قازاقستان ج ءى و مەن حالىق سانىنىڭ تومەندىگىنە قاراماستان، شەتەلدە ءبىلىم الاتىن ستۋدەنتتەر سانى بويىنشا الەمدەگى توپ-4 ەلدىڭ قاتارىنا كىرىپ وتىر.

• ەل ىشىندە ءبىلىم ساپاسىن ارتتىرماي، شەتەلدە ءبىلىم الاتىن ستۋدەنتتەر سانىنىڭ ودان ءارى قىسقارۋى، اسىرەسە، قازاقستان مەن وزبەكستاننىڭ ورتالىق ازياداعى كوشباسشىلىق ءۇشىن كۇرەسى جاعدايىندا ەل ءۇشىن جوعارى ساپالى كادرلاردىڭ قايتا وندىرىلۋىنە قاۋىپ ءتوندىرۋى مۇمكىن.

ەسكە سالايىق، وقۋ-اعارتۋ ءمينيسترى كوللەدجدەردەگى ءبىلىم ساپاسى نەگە تومەن ەكەنىن ايتتى.