ءانشى تامارا اسار ەرەكشە وردەنمەن ماراپاتتالدى
تانىمال ءانشى تامارا اساردى اتىراۋ «حيۋاز دوسپانوۆا» اتىنداعى وردەنمەن ماراپاتتالدى.
بۇل ماراپاتتى ونەر يەسىنە وبلىستىق ارداگەرلەر كەڭەسىنىڭ ءتوراعاسى تابىستادى، - دەپ حابارلايدى Massaget.kz ءتىلشىسى.
قۋانىشتى جاڭالىعىن ءانشى الەۋمەتتىك جەلىدەگى جەكە پاراقشاسىندا جاريا ەتتى.
«مەنى «باتىر قىز» دەۋشى حالقىم، ماڭدايىما ناعىز باتىر قىزدىڭ اتىنداعى مەدال بۇيىردى. اتىراۋ وبلىسى ارداگەرلەر كەڭەسىنىڭ شەشىمىمەن حالىق قاھارمانى جانە قوعام قايراتكەرى، وفيتسەر ۇشقىش حيۋاز دوسپانوۆا مەدالىمەن ماراپاتتالدىم. حيۋاز اپامداي قان مايداننىڭ باتىرى بولماسام دا، جۇرەگىممەن حالقىمدى ءسۇيىپ، باسىم جەرگە جەتكەنشە، حالقىما ارناعان انىممەن، سانىممەن، اتا-انامنان العان ءتالىم تاربيەممەن، ۇرپاعىما دۇرىس جول كورسەتسەم، ابىرويمەن ۇلگى بولسام، سول مەن ءۇشىن بەيبىت كۇننىڭ باتىرلىعى. الدىڭعى بۋىن اعالار، قۇرمەتتەرىڭىزگە ۇلكەن مىڭ العىس!»، - دەپ جازدى ءانشى.
Посмотреть эту публикацию в Instagram
جەلى قولدانۋشىلارى ءانشىنىڭ ماراپاتىنا ءبىرى قۋانسا، ەندى ءبىرى داتتاپ جاتىر. «اۋىلدا كوپ بالا اسىراپ، ەلى مەن جەرىنە ەرەن ەڭبەگى سىڭگەن قانشاما باتىر انالارىمىز بار. سولاردان بىرەۋى تابىلمادى ما ەكەن»، «بۇگىنگىنىڭ باتىر قىزى، جارايسىڭ»، «ۇشقىش اتىمەن ءانشىنى ماراپاتتاي ما ەكەن»، «قۇتتى بولسىن، ادايدىڭ باتىر قىزى»، «تامارا تەك ءان ايتىپ قانا باتىر بولىپ ءجۇر مە؟» دەپ جازدى ولار.
