ءانشى ديماش قۇدايبەرگەننىڭ اعىلشىن تىلىندەگى جاڭا ءانى جارىققا شىقتى
استانا. KAZINFORM - ديماش قۇدايبەرگەننىڭ اعىلشىن تىلىندەگى جاڭا انىنە تۇسىرىلگەن بەينەبايان جارىق كوردى.
ءانشى بەينەباياننىڭ ءۇزىندىسىن Instagram پاراقشاسىندا ءبولىستى. ايتۋىنشا، بۇل ءاندى العاش رەت گونكونگتاعى جەكە كونسەرتىندە ورىنداعان.
«مەنىڭ «Smoke» اتتى جاڭا تۋىندىم بۇدان بىلاي بارلىق مۋزىكالىق پلاتفورمالاردا قولجەتىمدى. ەستەرىڭىزدە بولسا، مەن بۇل ءاندى العاش رەت گونكونگتاعى جەكە كونسەرتىمدە ورىنداعان بولاتىنمىن. بۇل ءان تىڭدارماننىڭ جىلى لەبىزىنە دە يە بولىپ ۇلگەرگەن ەدى. وسى ورايدا دوستارىم كەنديس كەللي مەن دميترو گوردونعا اتالمىش تۋىندىنى جاساۋعا ۇلەس قوسقانى ءۇشىن ەرەكشە العىس ايتقىم كەلەدى. ءان سىزدەردىڭ كوڭىلدەرىڭىزدەن شىقتى دەگەن ۇمىتتەمىز! جاقىندا بۋداپەشت پەن ستامبۋلدا وتەتىن جەكە كونسەرتتەرىمدە كەزدەسكەنشە!» - دەپ جازدى ديماش قۇدايبەرگەن.
اۆتور
ەلميرا ورالبايەۆا
