ءامينا سەيىتجانوۆا: كەلەسى كەزەڭگە وتۋگە بار كۇشىمىزدى سالامىز

حاربين. KAZINFORM - كەرلينگتەن قازاقستان قۇراماسىنىڭ ويىنشىسى ءامينا سەيىتجانوۆا Kazinform تىلشىسىنە قىرعىزستانعا قارسى ويىن قالاي وتكەنىن ايتىپ بەردى.

سپورتشى ويىن وتە جاقسى وتكەنىن ايتتى.

- بار كۇشىمىزدى سالدىق دەپ ويلايمىن. ءبارى ويداعىداي بولدى، جاقسى ناتيجە كورسەتتىك، - دەدى ول.

سونداي-اق، وتانداسىمىز كەلەسى ماتچ وتە قيىن بولاتىنىن جاسىرمادى.

- فيليپپينمەن ويىن وتە قيىن بولايىن دەپ ءتۇر. ءبىز ءۇشىن وتە ماڭىزدى ماتچ. سول سەبەپتى قىرعىزستانعا قاراعاندا ولارعا ەكى ەسە كۇشىمىزدى سالۋ كەرەك. ەگەر جەڭىسكە جەتسەك، كەلەسى كەزەڭگە وتۋگە مۇمكىندىگىمىز بار، - دەيدى سەيىتجانوۆا.

ايتا كەتەرلىگى، كەرلينگتەن قازاقستان قۇراماسى بۇگىن ارالاس جۇپتار اراسىنداعى جارىستا قىرعىزستاننان باسىم ءتۇسىپ، ەكىنشى جەڭىسىنە قول جەتكىزدى.

ءتور ماتچتىڭ قورتىندىسىندا، قازاقستان قۇراماسى 2 جەڭىس جانە 2 جەڭىلىس ناتيجەسىمەن ۆ توبىندا ءۇشىنشى ورىنعا جايعاستى. ال فيليپپين قۇراماسى 3 ماتچتا جەڭىسكە جەتىپ، ەكىنشى ورىندا ءتۇر.

ولار وسىعان دەيىن وتانداستارىمىز 5:11 ەسەبىمەن قىتايعا، 0:12 ەسەبىمەن كورەياعا جول بەرىپ، 7:4 ەسەبىمەن قاتاردى جەڭگەن بولاتىن.

ايتا كەتەيىك، IX قىسقى ازيا ويىندارى 2025 -جىلدىڭ 7-14-اقپانى ارالىعىندا قىتاي حالىق رەسپۋبليكاسى حيلۋڭجياڭ پروۆينتسياسىنىڭ حاربين قالاسىندا وتەدى. سپورتشىلار 11 سپورت ءتۇرى بويىنشا 64 مەدال جيىنتىعىن ساراپقا سالادى.

اۆتور

مۇحتار قاليموللا ۇلى