ءالىمحان ۇلى الەم چەمپيونىن سىنعا الدى

ورتا سالماقتا WBO جانە IBF تۇجىرىمدارى بويىنشا الەم چەمپيونى، قازاقستاندىق بوكسشى جانىبەك ءالىمحان ۇلى (15-0، 10 ك و) WBA بويىنشا تاعى ءبىر ديۆيزيون بەلبەۋى بار كۋبالىق بوكسشى ەريسلاندي لارامەن (29-3-3، 17 ك و) جۇدىرىقتاسقىسى كەلەتىنىن ايتتى، - دەپ حابارلايدى vesti.kz.

«مەن لارانى تۇسىنبەيمىن. ول مەنىمەن 3 تيتۋل ءۇشىن توبەلەسە الادى. مەن ونىمەن جەكپە-جەككە شىقسام قۋانامىن. نەگە ول چەمپيونمەن جەكپە-جەككە شىقپايدى؟ مەن ونى تۇسىنبەيمىن! جانىبەك پەن لارا ايقاسى. وسى جەكپە-جەكتى ۇيىمداستىرايىق!»، - دەپ جانىبەك ءوزىنىڭ Twitter پاراقشاسىندا جازعان ەدى.

ەستەرىڭىزگە سالا كەتەيىك، ءالىمحان ۇلى وتكەن جىلدىڭ قازان ايىندا نەمىس بوكسشىسى ۆينچەنتسو گۋالتيەريدى (21-1-1، 7 ك و) نوكاۋتقا ءتۇسىرىپ، ودان IBF بەلبەۋىن تارتىپ العان بولاتىن.