ءالىمحان ۇلى ابسوليۋتتى چەمپيون اتانۋدى كوزدەپ وتىر
استانا. KAZINFORM - ورتا سالماقتا WBO جانە IBF نۇسقالارى بويىنشا الەم چەمپيونى قازاقستاندىق جانىبەك ءالىمحان ۇلى (16-0، 11 ك و) الەۋمەتتىك جەلىدە جاڭا جازبا جاريالادى.

ول ءوز سالماعىندا ابسوليۋتتى الەم چەمپيونى اتاعىنا قاتىستى تالاپ قويدى.
«ماعان ابسوليۋتتى الەم چەمپيونى اتاعى كەرەك. تەزدەتىپ سونىڭ ارەكەتىن جاسايىق»، - دەدى ءالىمحان ۇلى Instagram-داعى پاراقشاسىندا.
سونداي-اق جانىبەك Top Rank پروموۋتەرلىك كومپانياسىنىڭ باسشىسى بوب ارۋم مەن ساۋد ارابياسىنىڭ ويىن-ساۋىق باسقارماسىنىڭ ءتوراعاسى تۋركي ءال اش-شەيحتى بەلگىلەپ كەتكەن.
بۇعان دەيىن ءالىمحان ۇلىنىڭ كوكتەمدە ايقاس وتكىزەتىنى حابارلانعان. بوكسشىنىڭ ءوزى دە جەكپە-جەك ۋاقىتى بەلگىلى ەكەندىگىن ايتتى.
ەستەرىڭىزگە سالا كەتەيىك، ءالىمحان ۇلى شارشى الاڭعا سوڭعى رەت 2024-جىلعى 4-قازاندا سيدنەيدە شىعىپ، توعىزىنشى راۋندتا جاڭازەلانديالىق اندرەي ميحايلوۆيچتى (21-1، 13 ك و) نوكاۋتقا ءتۇسىردى.