عالىمداردىڭ سانى بويىنشا قازاقستان ت م د ەلدەرى اراسىندا كوش سوڭىندا تۇر

عىلىمي-زەرتتەۋ جانە تاجىريبەلىك- كونسترۋكتورلىق جۇمىستى (ع ز ت ك ج) ورىندايتىن پەرسونال سانى بويىنشا 10 مىڭ قىزمەتكەرگە شاققاندا قازاقستان ت م د ەلدەرى اراسىندا اۋتسايدەرلەر قاتارىندا: بار بولعانى 25 ادام، ونىڭ 19 ى عانا - زەرتتەۋشى ماماندار.

Kazinform بۇل تۋرالى energyprom مونيتورينگ رەسۋرسىنا سىلتەمە جاساپ حابارلايدى.

سالىستىرمالى تۇردە ايتساق، رەسەيدە 10 مىڭ قىزمەتكەرگە ع ز ت ك ج- مەن اينالىساتىن 92 قىزمەتكەر (ونىڭ 47 ءسى زەرتتەۋشى ماماندار)، بەلارۋستە - 53 (ونىڭ 34 ءى زەرتتەۋشى)، ارمەنيادا - 49 (38 ءى عىلىمي قىزمەتكەر).

ءتىپتى تەرريتورياسى مەن حالىق سانى جاعىنان ايتارلىقتاي شاعىن مولدوۆا دا قازاقستان رەسپۋبليكاسىنان الدا (10 مىڭ ادامعا 49 عالىم)، سونداي-اق ازەربايجان دا (40 عالىم) كوشىلگەرى.

بۇل - 2021-جىلدىڭ كورسەتكىشى. سودان بەرى قازاقستاندا جاعداي جاقساردى ما؟

كوپ وزگەرمەگەن. ماسەلەن، 2021-جىلى ع ز ت ك ج قىزمەتكەرلەرى سانى 21,6 مىڭ ادامدى قۇراسا، 2022-جىلى ول %3,9 عا عانا ءوسىپ، 22,5 مىڭ ادامعا جەتكەن.

سالىستىرۋ ءۇشىن: 2015-جىلى بۇل كورسەتكىش 24,7 مىڭ ادامدى، 2014-جىلى 25,8 مىڭ ادامدى قۇرادى.

عىلىم جانە جوعارى ءبىلىم ءمينيسترى ءوز ەلىندە ورىن تاپپاعان قازاقستاندىق عالىمداردىڭ شەتەلدە وزگە ەلدەردىڭ ەكونوميكاسىنىڭ يگىلىگى ءۇشىن جەمىستى ەڭبەك ەتىپ جاتقانىن ايتتى.