عالىمدار ۇزاق ۇيقىنىڭ كۇتپەگەن قاۋپىن انىقتادى

يسلانديالىق عالىمدار تاۋلىگىنە توعىز ساعاتتان ارتىق ۇيىقتايتىن ادامداردا ينسۋلت قاۋپى 85 پايىزعا جوعارى بولاتىنىن انىقتادى. زەرتتەۋ ناتيجەلەرى Neurology جۋرنالىندا جاريالاندى، - دەپ حابارلايدى «مير-24».

زەرتتەۋگە اۋىر اۋرۋلارى جوق شامامەن 32 مىڭ ادام قاتىسقان. قاتىسۋشىلاردىڭ ورتاشا جاسى 62 جاس بولعان.

التى جىل بويى عالىمدار قاتىسۋشىلاردىڭ ۇيقى رەجيمى مەن اۋرۋ تاريحى تۋرالى اقپارات جيناپ، ولاردىڭ جاعدايىن باقىلاپ وتىردى. زەرتتەۋ ناتيجەسىندە تاۋلىگىنە توعىز ساعاتتان ارتىق ۇيىقتايتىن (قاتىسۋشىلاردىڭ 24 پايىزى) نەمەسە كۇندىز 90 مينۋتتان ارتىق دەمالاتىن (قاتىسۋشىلاردىڭ 8 پايىزى) ادامداردا ينسۋلت قاۋپى جەتى-سەگىز ساعات ۇيىقتايتىندارعا قاراعاندا 85 پايىزعا جوعارى ەكەنى انىقتالعان.

عالىمدار ۇزاق ۇيقى جالپى العاندا قان تامىرلارى اۋرۋلارىنىڭ پايدا بولۋ قاۋپىن ارتتىراتىنىن انىقتادى. تۇنگى ۇيقىنىڭ ۇسىنىلعان نورمادان اسىپ كەتۋى ينسۋلت قاۋپىن 23 پايىزعا، ال كۇندىز ءبىر جارىم ساعاتتان ارتىق دەمالۋ قان تامىرلارىنىڭ بۇزىلۋ ىقتيمالدىعىن 25 پايىزعا ارتتىرعان.