عالىمدار وتباسىنداعى ورتانشى بالالاردىڭ وزگەلەرمەن سالىستىرعاندا تابىستى بولاتىنىن انىقتادى
بروكا جانە كالگاري ۋنيۆەرسيتەتىنىڭ عالىمدارى وتباسىنداعى ورتانشى بالا وزگەلەرىمەن سالىستىرعاندا تابىستىراق بولاتىنىن انىقتادى.

ايتۋلارىنشا، ورتانشى بالانىڭ بويىندا وزگەلەرگە قاراعاندا ەرەكشە سەنىم باسىم. .
كانادالىق عالىمداردىڭ تۇجىرىمىنشا، اعا- اپكەسى نەمەسە ءىنى- قارىنداسى بار بالالار وزىنە سەنىمدى، شىدامدى ءارى تاۋەكەلشىل بولىپ كەلەدى. سونداي- اق ولاردا اشۋعا بوي الدىرمايتىن، كەشىرىمدى بولا بىلەتىن جانە ادامدارمەن تەز ءتىل تابىساتىن مىنەز قالىپتاسادى ەكەن.
جوعارى وقۋ ورنىنىڭ وكىلدەرى مىسال رەتىندە جەتىستىككە جەتكەن ورتانشى بالالاردى كەلتىرگەن. ولار: مارتين ليۋتەر كينگ، مادوننا، ۋوررەن باففەت جانە اۆراام لينكولن. زەرتتەۋ بارىسىندا ءۇيدىڭ تۇڭعىشى اقىلدى، ال كەنجەلەر بۇزىق ءارى ەركە بولاتىنى انىقتالعان. وتباسىندا جالعىز وسكەن ۇل- قىزداردىڭ دا مىنەزدى بولاتىنى كورسەتىلگەن.
Stan.kz