عالىمدار ەر ادامدار نەلىكتەن جاس قىزدارعا ۇيلەنۋ كەرەگىن ءتۇسىندىردى
استانا. قازاقپارات - ادامعا قانشا جاستا ۇيلەنۋ كەرەك دەگەن سۇراق قويىلسا، ادامداردىڭ پىكىرى ەكىگە بولىنەدى. وسىعان بايلانىستى نەمىس عالىمدارى ومىرلىك سەرىكتى تاڭداعاندا جاس ايىرماشىلىعى قانشا بولۋ كەرەگىن انىقتادى. ساراپشىلار بىرنەشە نۇسقا شىعارىپ، وڭتايلى جاس ايىرماشىلىعىن تاڭدادى، - دەپ حابارلايدى vesti.kz.

نەكەگە تۇرۋدىڭ وڭتايلى جاسى كوپتەگەن فاكتورعا بايلانىستى بولۋى مۇمكىن:
مادەني داستۇرلەر؛
ءدىني نانىمدار؛
جەكە قۇندىلىقتار؛
ومىرلىك تاجىريبە.
عالىمدار جۇرگىزگەن زەرتتەۋ ناتيجەسى
روستوكتاعى (گەرمانيا) دەموگرافيالىق زەرتتەۋلەر ينستيتۋتىنىڭ عالىمدارى نەكە جاسىنىڭ ءومىر ءسۇرۋ ۇزاقتىعىنا قالاي اسەر ەتەتىنىن انىقتاۋعا تىرىستى.
«دانيادا ەر ادامدار ۇيلەنەتىن ايەلدەردەن ورتا ەسەپپەن ءۇش جاس ۇلكەن. ەرلى- زايىپتىلاردىڭ ءولىم- جىتىمگە قاتىستى جاس ايىرماشىلىعى تۋرالى الدىڭعى زەرتتەۋلەر جاس جۇبايدىڭ بولۋى پايدالى، ال ۇلكەن جۇبايىنىڭ بولۋى ءوز ءومىر سۇرۋىنە زياندى ەكەنىن كورسەتتى.
ەگەر ءبىلىم مەن ءال-اۋقات سياقتى فاكتورلار سانالماسا، ناتيجەلەر جاس جۇبايدىڭ بولۋى ەرلەر ءۇشىن پايدالى، ءبىراق ايەلدەر ءۇشىن زيان ەكەنىن كورسەتەدى، ال ۇلكەن جۇبايىنىڭ بولۋى ەكى جىنىسقا دا زياندى»، - دەيدى عىلىمي زەرتتەۋ اۆتورلارى.
زەرتتەۋ ءۇشىن ەكى ميلليون ادامنىڭ جەكە دەرەگى پايدالانىلدى: ەر ادامداردىڭ كوپشىلىگى ايەلدەرىنەن ەكى-ءۇش جاس ۇلكەن، ال ايەلدەردىڭ كوپشىلىگى كۇيەۋلەرىنەن ەكى جاس كىشى.
50 جاستان اسقان بارلىق ۇيلەنگەن ەر ادامنىڭ شامامەن 75 پايىزى وزدەرىنەن ءبىر جاس كىشى ايەلدەرگە ۇيلەنگەن. بارلىق ەر ادامنىڭ تەك 10 پايىزى ايەلدەرىنەن كەم دەگەندە ءبىر جاس كىشى.
50 جاستان اسقان ايەلدەردىڭ كوپشىلىگىنىڭ كۇيەۋى (65 پايىز) وزىنەن ۇلكەن، ال تەك 15 پايىزىنىڭ كۇيەۋى ولاردان ءبىر جاسقا كىشى.
عالىمدار ەرلى-زايىپتىلار اراسىنداعى تاماشا جاس ايىرماشىلىعىن انىقتادى
زەرتتەۋ بارىسىندا كەلەسى زاڭدىلىق انىقتالدى: ايەلى جۇبايىمەن سالىستىرعاندا نەعۇرلىم جاس بولسا، كۇيەۋىنىڭ ءولىم-ءجىتىمى سوعۇرلىم از بولادى. كەرىسىنشە، ايەلى جۇبايىمەن سالىستىرعاندا نەعۇرلىم ۇلكەن بولسا، كۇيەۋىنىڭ ءولىم-ءجىتىمى سوعۇرلىم كوپ بولادى.
ءولىم-ءجىتىمنىڭ جوعارى دەڭگەيى ايەلىنەن 7 جاستان كىشى ەر ادامداردا (30 پايىزدان استام) بايقالادى.
ايەلىنەن 15 جاس ۇلكەن ەر ادامنىڭ قايتىس بولۋ مۇمكىندىگى 4 پايىزعا تومەن.
كۇيەۋىنەن 7 جاس ۇلكەن ايەلدەردە ءولىم شامامەن 10 پايىزعا تەڭ.
كۇيەۋىنەن 15 جاس ۇلكەن ايەلدەردىڭ ءولىم-ءجىتىمى 40 پايىز.
ءولىم قاۋپىنىڭ ەڭ تومەن دەڭگەيى كۇيەۋىمەن قۇرداس ايەلدەردە بايقالادى.
وسىلايشا، ايەلدەر ءۇشىن ەڭ جاقسى نۇسقا - قۇرداستار، ال ەر ادامدار ءۇشىن - وزىنەن كىشى قىزدار.