عالىمدار قاتەرلى ىسىك قاۋپىن ارتتىراتىن تاڭعى استاردى اتادى

بريستول ۋنيۆەرسيتەتىنىڭ جانە حالىقارالىق قاتەرلى ىسىكتەردى زەرتتەۋ اگەنتتىگىنىڭ (IARC) عالىمدارى ءتاتتى جارما، شۇجىق، اق نان جانە تاتتىلەندىرگىشتەرى بار جەمىس يوگۋرتتارى سياقتى تانىمال تاڭعى اس تۇرلەرى قاتەرلى ىسىك قاۋپىن ارتتىراتىنىن انىقتادى، - دەپ حابارلايدى Daily Express.

عالىمدار 450 مىڭنان استام ەرەسەك ادامنىڭ ديەتاسى مەن ءومىر سالتىنىڭ ەرەكشەلىكتەرىن تالدادى.

زەرتتەۋشىلەر ۋلترا وڭدەلگەن تاعامداردى ءجيى تۇتىناتىن ادامداردىڭ اۋىز قۋىسى مەن تاماق قاتەرلى ىسىگىنىڭ دامۋ قاۋپى ارتاتىنىن انىقتادى.

ۋلترا وڭدەلگەن تاعامدار - ءارتۇرلى قويۋلاندىرعىشتار، كونسەرۆاتورلار مەن حوش يىستەندىرگىشتەر قوسىلعان تازارتىلعان جانە قوسپالاردان تازارتىلعان ينگرەديەنتتەردەن ونەركاسىپتىك جاعدايدا وندىرىلگەن تاعام. ادەتتە شۇجىق، بەكون، ءتاتتى جارما جانە يوگۋرت سياقتى كوپتەگەن تاعام ءداستۇرلى تۇردە تاڭعى اسقا قولدانىلادى.

زەرتتەۋشىلەر بۇل ونكوگەنەز فاكتورى بولا الاتىن تاعامدىق قوسپالاردىڭ جوعارى مولشەرى ەكەنىن العا تارتتى.

سونىمەن قاتار ۋلترا وڭدەلگەن تاعامدارعا شامادان تىس قۇمارلىق كوبىنەسە سەمىزدىككە اكەپ سوقتىرادى، بۇل قاتەرلى ىسىكپەن دە تىعىز بايلانىستى.