عالىمدار عارىشتان تاڭعاجايىپ قۇبىلىس بايقادى

استانا. قازاقپارات - دجەيمس ۋەبب تەلەسكوپى ارقىلى تۇسىرىلگەن تاڭعاجايىپ سۋرەتتەن عارىشتاعى جارقىراعان كۆازاردى كورۋگە بولادى. بۇل تۋرالى goodnewsnetwork.org حابارلادى.

كۆازارلار - بەلسەندى گالاكتيكالاردىڭ جارقىراعان ورتالىعى، ولاردىڭ ەنەرگياسىنىڭ كوزى - الىپ قارا قۇردىمدار، ولار وتە كوپ مولشەردەگى گازبەن قورەكتەنەدى.

استرونومدار RX J1131-1231 دەپ اتالاتىن كۆازانى گراۆيتاتسيالىق لينزالاۋ ارقاسىندا باقىلاي الدى. گراۆيتاتسيالىق لينزالاۋدىڭ ءبىر ناتيجەسى - بۇل الىستاعى استرونوميالىق وبەكتىلەردى ۇلعايتۋعا مۇمكىندىك بەرەدى.

شامامەن التى ميلليارد جارىق جىلى قاشىقتىقتا ورنالاسقان RX J1131-1231، كراتەر شوقجۇلدىزىندا، بۇگىنگى كۇنگە دەيىن تابىلعان ەڭ جاقسى لينزالالعان كۆازارلاردىڭ ءبىرى سانالادى.

ەۋروپا عارىش اگەنتتىگى ونى «اسىل تاستارمەن بەزەندىرىلگەن ساقينا» دەپ سيپاتتادى. NASA بۇل سۋرەتتى «مەزگىل جاۋھارى» دەپ اتاپ، بۇل جارقىراعان «اسىل تاستار» شىنىمەن ءبىر وبەكتىنىڭ - وتە جارقىن كۆازانىڭ ءتورت سۋرەتى ەكەنىن ءتۇسىندىردى.