عالىمدار ايگىلى «اپورت» سورتىن قايتا جاڭعىرتپاق
الماتى. KAZINFORM - الماتى وبلىسىندا ايگىلى «اپورت» باقتارىن وتىرعىزۋ باستالماق. بۇل تۋرالى ق ر اۋىل شارۋاشىلىعى مينيسترلىگى ءمالىم ەتتى.
2025-2028 -جىلدارعا ارنالعان جوبا 25 مىڭ كوشەت ءوسىرۋدى جانە 110 گەكتار القاپتا الما باقتارىن وتىرعىزۋدى كوزدەيدى. قازىرگى تاڭدا جوبا تولىق قارجىلاندىرىلىپ، قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتى قىزمەتكەرلەرى جول كارتاسىن ىسكە اسىرۋعا كىرىستى.
- ءبىز بۇل سورتتى جاڭعىرتۋ وتاندىق باۋ - باقشا شارۋاشىلىعىن دامىتۋداعى ماڭىزدى قادام بولاتىنىنا جانە قازاقستاندىقتاردى ساپالى ءارى ءدامدى جەمىستەرمەن قامتاماسىز ەتۋگە مۇمكىندىك بەرەتىنىنە سەنىمدىمىز، - دەپ اتاپ ءوتتى ۇ ا ع ب ب و وكىلدەرى.
جاڭا باقشالاردان العاشقى ءونىم سەگىز جىلدان كەيىن الىنادى دەپ كۇتىلەدى. عالىمدار زاماناۋي اگروتەحنولوگيالاردى ەسكەرە وتىرىپ، ونىمدىلىك العاشقى كەزەڭدەرىندە ءبىر اعاشقا 57,7 ك گ جانە ەرەسەك اعاشقا 100 ك گ دەيىن جەتەتىنىنە سەنىمدى.
«اپورت» تەك ەرەكشە دامىمەن عانا ەمەس، سونىمەن قاتار ۇزاق ساقتالاتىن جەمىس، وسىنىڭ ارقاسىندا الىس- جاقىن ەلدى- مەكەندەرگە وڭاي تاسىمالداۋعا بولادى. زاماناۋي تەحنولوگيالاردى قولدانۋ ارقىلى اپورتتى ماۋسىم ايلارىنا دەيىن ساقتاۋعا مۇمكىندىك بار.
مامانداردىڭ پىكىرىنشە، اپورتتىڭ قايتا جاندانۋى شارۋا قوجالىقتارىنىڭ دامۋىنا جاڭا مۇمكىندىكتەر اشىپ، اۋىل شارۋاشىلىعى سالاسىنا ينۆەستيتسيا تارتۋعا مۇمكىندىك بەرەدى.
