ءاليحان سمايىلوۆ ەنەرگەتيكا سالاسى قىزمەتكەرلەرىن كاسىبي مەرەكەمەن قۇتتىقتادى

بۇگىن، 22- جەلتوقسان - ەنەرگەتيكتەر كۇنى. وسىعان وراي ق ر پرەمەر-ءمينيسترى ءاليحان سمايىلوۆ سالا قىزمەتكەرلەرىن كاسىبي مەرەكەمەن قۇتتىقتادى، دەپ حابارلايدى Kazinform.

«قۇرمەتتى ەلىمىزدىڭ ەنەرگەتيكا سەكتورىنىڭ قىزمەتكەرلەرى، سىزدەردى كاسىبي مەرەكەلەرىڭىز - ەنەرگەتيك كۇنىمەن شىن جۇرەكتەن قۇتتىقتايمىن! ءبىز جىلۋ ەلەكتر ستانتسيالارىنىڭ، ەلەكتر جەلىلەرى جانە ەنەرگيامەن جابدىقتاۋ ۇيىمدارىنىڭ، جەك جانە سۋ ەلەكتر ستانتسيالارى نىساندارىنىڭ قىزمەتكەرلەرىنە، جوندەۋشى بريگادالارعا - قاجىرلى ەڭبەكتەرىمەن ەلىمىزدىڭ ەنەرگيا جۇيەسىنىڭ تۇراقتى جۇمىسىن قامتاماسىز ەتىپ وتىرعان ازاماتتاردىڭ بارلىعىنا شىن جۇرەكتەن ريزاشىلىعىمىزدى بىلدىرەمىز. كەي كەزدە اۋىر ەڭبەك جاعدايلارىنا قاراماستان، سىزدەر ۇيلەرىمىزگە جارىق پەن جىلۋ بەرىپ، كاسىپورىندار مەن ينفراقۇرىلىمنىڭ جۇمىسىن قامتاماسىز ەتىپ وتىرسىزدار. مەملەكەتىمىزدىڭ دامۋىنا ۇلكەن كۇش-قۋات بەرىپ وتىرعان مارتەبەلى ەڭبەكتەرىڭىزدىڭ جەمىسى - ول ەنەرگيا! سىزدەرگە شىن جۇرەكتەن زور دەنساۋلىق، اماندىق جانە ۇلكەن جەتىستىكتەر تىلەيمىن!»، - دەدى ءاليحان سمايىلوۆ.