ءاليحان سمايىلوۆ بەكەتايەۆتىڭ ىسىنە قاتىستى جاڭا دەرەكتەر ايتتى
استانا. KAZINFORM - جوعارى اۋديتورلىق پالاتانىڭ ءتوراعاسى ءاليحان سمايىلوۆ بۇرىنعى ادىلەت ءمينيسترى مارات بەكەتايەۆ جوعارى اۋديتورلىق پالاتا تەكسەرىس جۇرگىزگەننەن كەيىن ۇستالعانىن ايتتى.
«2023-جىلعى مەملەكەتتىك اۋديت وبەكتىلەرىنىڭ تىزبەسىنە سايكەس جوعارى اۋديتورلىق پالاتا ادىلەت مينيسترلىگى مەن ونىڭ قۇرامىنداعى ۇيىمداردىڭ رەسپۋبليكالىق بيۋجەتتى كەيبىر بيۋجەتتىك باعدارلامالار بويىنشا قالاي قولدانعانىن تەكسەرۋ ءۇشىن اۋديتورلىق شارالار وتكىزىلدى. ءبىز شىعارعان شەشىم انتيكورعا بەرىلىپ، وسى ىسكە قاتىستى كەيبىر تۇلعالار ۇستالدى»، - دەيدى ءاليحان سمايىلوۆ.
ول بەكەتايەۆتىڭ ناقتى نە ءۇشىن ۇستالعانىنان بەيحابار ەكەنىن، ءبىراق جوعارى اۋديتورلىق پالاتا تەكسەرىس جۇرگىزىپ، ناتيجەسى انتيكورعا بەرىلگەنى فاكت ەكەنىن اتاپ ءوتتى.
بۇرىنعى ادىلەت ءمينيسترى مارات بەكەتايەۆتىڭ ىسىنە قاتىستى دەرەكتەر قۇپيا.
مينيستر 2023-جىلدىڭ قازان ايىندا قاماۋعا الىنعان. كۇنى بۇگىنگە دەيىن قاماۋدا ۇستاۋ مەرزىمى بىرنەشە رەت ۇزارتىلعان. بەكەتايەۆقا «ۇلەسكەر كومپانيالاردىڭ مۇددەسىن قولداپ، مەملەكەتكە ءىرى كولەمدە شىعىن كەلتىردى» دەگەن ايىپ تاعىلىپ وتىر.
وعان قوسا، ول مەملەكەت باسشىسىنىڭ زاڭسىز شىعارىلعان اكتيۆتەردى ىزدەۋ جانە قايتارۋ تاپسىرماسىن ورىنداۋ بارىسىندا وكىلەتتىلىگىن اسىرا پايدالاندى دەگەن كۇدىككە ءىلىندى.
