عالىمدار كۇن ساۋلەسى ارقىلى لاس سۋدى اۋىزسۋعا اينالدىراتىن قۇرىلعى ويلاپ تاپتى

استانا. KAZINFORM - وڭتۇستىك كورەيا عالىمدارى ەلەكتر قۋاتىن پايدالانباي-اق لاستانعان جانە تۇزدى سۋدى اۋىزسۋعا اينالدىراتىن قۇرىلعى جاساپ شىعاردى. جوبا بىرىككەن اراب امىرلىكتەرىندە وتكەن Dubai Future Solutions - Prototypes for Humanity حالىقارالىق بايقاۋىنىڭ جەڭىمپازدارى قاتارىنا ەندى، دەپ حابارلايدى WAM.

ق
فوتو: kazinform/ج ي

Solarstill Box دەپ اتالاتىن قۇرىلعىنى كورەيانىڭ وزىق عىلىم جانە تەحنولوگيا ينستيتۋتىنىڭ زەرتتەۋشىلەرى ازىرلەگەن.

جاڭا تەحنولوگيا كۇن ەنەرگياسىنىڭ كومەگىمەن جۇمىس ىستەيدى جانە تاۋلىگىنە 7,5 ليترگە دەيىن اۋىزسۋ وندىرۋگە مۇمكىندىك بەرەدى.
قۇرىلعى تانزانيادا سىناقتان وتكەن. ازىرلەۋشىلەردىڭ بولجامىنشا، ونىڭ ءبىر داناسىنىڭ قۇنى 20 دوللاردان اسپايدى. بۇل تازا اۋىزسۋ تاپشىلىعى بايقالاتىن وڭىرلەر ءۇشىن تەحنولوگيانى قولجەتىمدى ەتۋى مۇمكىن.
- قۇرىلعى كۇن ەنەرگياسىنىڭ كومەگىمەن جۇمىس ىستەيدى جانە تاۋلىگىنە 7,5 ليترگە دەيىن اۋىزسۋ وندىرە الادى. تەحنولوگيا تانزانيادا سىناقتان ءوتتى. ءبىر قۇرىلعىنىڭ بولجامدى قۇنى 20 دوللاردان تومەن بولادى، - دەلىنگەن جوبا تۋرالى اقپاراتتا.
حالىقارالىق بايقاۋدا بارلىعى بەس يننوۆاتسيالىق جوبا ۇزدىك دەپ تانىلدى. ولاردىڭ قاتارىندا مەديتسينا، ونەركاسىپ قالدىقتارىن قايتا وڭدەۋ، ەنەرگيا ساقتاۋ جانە جەكە دەرەكتەردى قورعاۋ سالالارىنداعى ازىرلەمەلەر بار.

جەڭىمپازدارعا عىلىمي زەرتتەۋلەرىن ودان ءارى دامىتۋ ءۇشىن جالپى كولەمى 100 مىڭ دوللار ءبولىندى.

ايتا كەتەيىك، بۇعان دەيىن قازاقستاندا اقتوبە، اقمولا جانە قىزىلوردا وبلىستارىنداعى 14 اۋىلدىڭ 45,5 مىڭنان استام تۇرعىنى ساپالى اۋىزسۋمەن قامتىلعانى حابارلانعان ەدى.