عالام عاجاپتارى: روبوتتار ءداۋىرى باستالدى
استانا. قازاقپارات - 2016 -جىلدان بەرى الەمدە جۇمىسشى روبوتتار سانى ەكى ەسەگە ارتتى.
قىتاي العاش رەت گەرمانيا مەن جاپونيانى باسىپ وزىپ، ەڭ روبوتتاندىرىلعان ەلدەردىڭ ۇشتىگىنە ەندى.
قازىر قىتايدا ءار 10000 قىزمەتكەرگە 470 روبوتتان كەلەدى. الەمدەگى زاۋىتتاردا جالپى 4 ميلليوننان استام روبوت جۇمىس ىستەسە، ولاردىڭ جارتىسىنان استامى قىتايدىڭ ۇلەسىندە (276 مىڭ). ال الەمدىك كوشباسشى - وڭتۇستىك كورەيا (1012 روبوت)، ەكىنشى ورىندا - سينگاپۋر (770 روبوت). ونەركاسىپتىك روبوتتاردىڭ تىعىزدىعى بويىنشا ەۋروپا الدا تۇر (ءار 10000 جۇمىسشىعا 219 روبوت)، سولتۇستىك امەريكادا – 197، ازيادا - 182. وسى قارقىنمەن جۇمىستىڭ ءبارىن روبوتقا جۇكتەيتىن كۇن دە الىس ەمەس سەكىلدى.
جاڭا ۆەب- براۋزەر
«OpenAI» كومپانياسى ChatGPT نەگىزىندە جۇمىس ىستەيتىن ىزدەۋ فۋنكتسيالارى جاقسارتىلعان ۆەب- براۋزەر جاساۋدى قاراستىرىپ جاتىر.
كومپانيا ChatGPT مەن بىرىكتىرىلگەن براۋزەر جاساۋ مۇمكىندىگىن زەرتتەۋ ۇستىندە. الايدا ءونىمدى ىسكە قوسۋعا ءالى ەرتە. دەگەنمەن «OpenAI»، «Conde Nast»، «Redfin»، «eventbrite» جانە «Priceline» سياقتى بىرنەشە ءىرى كومپانيامەن كەلىسسوزدەر جۇرگىزىپ ۇلگەرگەن. سونىمەن قاتار «OpenAI» جاساندى ينتەللەكتىنى «Samsung» سمارتفوندارىنا قوسۋ مۇمكىندىكتەرىن قاراستىرىپ وتىر. بۇل كومپانيا «Google» ءدىڭ نەگىزگى سەرىكتەستەرىنىڭ ءبىرى سانالادى. بۇعان دەيىن «OpenAI Apple» كومپانياسىمەن سەرىكتەستىك ورناتىپ، تەحنولوگيالارى «Apple Intelligence» فۋنكتسيالارىندا قولدانىلعان.
عالىمدار كۇن باتارەيالارىنىڭ تيىمدىلىگىن %125 عا ارتتىردى.
ۇلى بريتانيا، پورتۋگاليا، برازيليا زەرتتەۋشىلەرى تورلى قۇرىلىمنىڭ ورنالاسۋىن وزگەرتۋ ارقىلى كريستالدىق كرەمنيدىڭ توق ءوندىرۋ قابىلەتىن جاقسارتا ءتۇستى. زەرتتەۋ بارىسىندا باتارەيانىڭ فوتون ايماعىن شاحمات تاقتاسى ءتارىزدى مودەلدەپ، ونى باسقا قۇرىلىمدارمەن سالىستىرعان. ناتيجەسىندە، كەزدەيسوق ورنالاسقان ەلەمەنتتەرى بار شاحمات ۇلگىسى باسقا كونسترۋكتسيالاردان كوبىرەك توق وندىرەتىنى انىقتالدى. بۇل قۇرىلىم %125 عا ءتيىمدى بولىپ وتىر.
ايتولعان ءجۇنىسحان
egemen.kz
