عالام عاجاپتارى: قاندى سارقىراما

استانا. قازاقپارات - قاندى سارقىراما-مۇز قۇرساۋىنداعى تىلسىم وزەن. انتاركتيداداعى تەيلور مۇزدىعىنان اققان قىزىل ءتۇستى سۋ زەرتتەۋشىلەر اراسىندا «قاندى سارقىراما» اتالىپ كەتكەن.

بۇل ەرەكشە قۇبىلىس سۋدىڭ قۇرامىندا تەمىر توتىعىنىڭ اسەرىنەن بولادى. سۋ مۇز قاباتىنداعى جارىقشاقتان اتقىلاپ شىعادى. ال ونىڭ باستاۋى 400 مەترلىك مۇز قاباتىنىڭ استىندا جاتىر. عالىمدار بۇل وزەن 2-4 ميلليون جىل بۇرىن ەجەلگى تەڭىز سۋىنان قالىپتاسقان دەگەن بولجام ايتادى. مۇز استىندا قالعانىمەن، ونىڭ تۇزدىلىعى مۇحيت سۋىنان ءتورت ەسە جوعارى، سوندىقتان  100C- تەمپەراتۋرادا دا قاتپايدى. بۇل جاڭالىق استروبيولوگيا سالاسى ءۇشىن ۇلكەن جەتىستىك، ويتكەنى وسىنداي ەكسترەمالدى جاعدايدا تىرشىلىك ەتەتىن ميكرواعزالاردىڭ بولۋى مارس نەمەسە ەۋروپا (يۋپيتەر سەرىگى) سياقتى اسپان دەنەلەرىندە دە ءومىردىڭ بار ەكەندىگىن دالەلدەي تۇسەدى.

دايىنداعان - ديدار اسىلحان، قوجا احمەت ياساۋي ۋنيۆەرسيتەتىنىڭ ستۋدەنتى

egemen.kz