عالام عاجاپتارى: كيبورگ-قوڭىز
استانا. KAZINFORM - تەحنولوگيانىڭ دامىعانى سونشا، جاندىكتەردى دە قاشىقتىقتان باسقارۋعا بولادى.
كيبورگ-قوڭىزدارى قاشىقتان بەرىلگەن بۇيرىقتارعا باعىنىپ، قيمىلداپ، ءتىپتى ۇشا الادى. مۇنىڭ ءبىر مىسالى رەتىندە «DARPA» عىلىمي-زەرتتەۋ اگەنتتىگىنىڭ روبوت-جاندىكتەرىن ايتا الامىز. ەڭ العاشقى تاجىريبەدە زەرتتەۋشىلەر مينياتيۋرالىق سحەمالار قۇرىپ، ولاردى قوڭىزدارعا قوسىپ، بوس جىبەردى. يمپۋلستەر اياقتاردىڭ، قاناتتاردىڭ، تومەنگى جاق سۇيەكتەرىنىڭ قوزعالىسىنا جاۋاپ بەردى. جارىق ديودتى جولاقتىڭ كومەگىمەن ولار قوزعالىس باعىتىن انىقتاي الدى. عالىمداردىڭ ايتۋى بويىنشا، بۇل قوڭىزدىڭ كىشكەنتايى - 2-2,5 سانتيمەتر. ونى تابيعي اپات ورىندارىنداعى ۇساق جۇيەلەر مەن وزگە دە نىساندارعا جىبەرۋگە بولادى.
سەيبل ارالى
عالامدا قۇپيا كوپ. تابيعات جاسىرىنباق ويناۋعا قۇشتار. اتلانت مۇحيتىنداعى سەيبل ارالى - سونىڭ دالەلى.
سەبەبى ارالدىڭ ۇزىندىعى - 42 كيلومەتر، ەنى نەبارى - 1,5 كيلومەتر. ارالدىڭ كەز كەلگەن نۇكتەسىنەن مۇحيتتىڭ ەكى جاعىن دا كورۋگە بولادى. قۇمدى مەكەندە 1800-جىلدان بەرى 350 دەن اسا كەمە سۋعا باتىپ، قانشا ادام ءىزىم-عايىم جوعالعان. ارالدىڭ اتاۋى اعىلشىن تىلىنەن اۋدارعاندا «جوقتاۋ، قارا» دەگەندى بىلدىرەدى. جاڭا شوتلانديادان وڭتۇستىك-شىعىسقا قاراي 180 كيلومەتر قاشىقتىقتاعى بۇل جەر كاناداعا تيەسىلى. كىشكەنتاي عانا ارال بىلاي قاراعاندا يرەلەڭدەگەن قۇرتقا ۇقسايدى. مۇندا اعاشتار دا، ءداندى داقىلدار دا، جانۋارلار دا تامىر جايماعان. تەك جابايى جىلقىلار عانا وسى قۇم توبەلەرىن مەكەندەيدى.
ەڭ قارت تۇلەك
ديپلومىن 96 جاستا العان جاپوندىق سيگەمي حيراتا ج و و- نىڭ ەڭ قارت تۇلەگى اتانعان.
جاپون ازاماتى ۋنيۆەرسيتەتكە ءتۇسۋ-تۇسپەۋى جايىندا ءومىر بويى ويلانعان ەكەن. اقىرى 85 جاسىندا بالالارى مەن نەمەرەلەرى ونى وقۋعا تۇسۋگە كوندىرەدى. ەگدە جاستاعى ستۋدەنت كيوتونىڭ ديزاين ۋنيۆەرسيتەتىندە 11 جىل بويى پوەزيانى وقىپ، اقىر سوڭىندا ءبىتىرىپ شىعادى. جوعارى وقۋ ورنىن 96 جاسىندا بىتىرگەن جاپوندىق ازامات گيننەستىڭ رەكوردتار كىتابىنا دا ەندى. ول بۇل جەتىستىگىمەن شەكتەلمەي، 100 جاسىنا عىلىمي دارەجە الۋدى جوسپارلاپ وتىرعانى تىپتەن تاڭ قالدىرادى.
اۆتور ەلىگىماي توڭكەر
egemen.kz
