عالام عاجاپتارى: التى ايلىق ميلليونەر

ۇلى بريتانيادا 6 ايلىق نارەستە اي سايىن 45 مىڭ دوللار تابىس تابادى. قالاي دەيسىز عوي؟ ارينە، كورىمدىك جيناپ ەمەس.

ءسابيدىڭ اناسى پەريس گوف ايگىلى برەندتەرمەن كەلىسىمشارتقا وتىرعان. ءسويتىپ ونىڭ سۇيكىمدى ۇلى حانتەر الەۋمەتتىك جەلىدە مودەل بولىپ، ميلليونەر اتانىپتى. الايدا بريتاندىق ب ا ق وكىلدەرى بۇل وقيعانى قۇپتاپ جاتقان جوق. ويتكەنى جورگەكتەگى بالانىڭ جۇمىس ىستەگەنى ءجون ەمەس دەيدى ولار. ال حانتەردىڭ اناسى بارلىق تابىستى ارنايى قورعا جيناقتاپ جاتقانىن، بالا قارجىنى تەك 18 جاسقا تولعاننان كەيىن عانا پايدالاناتىنىن مالىمدەدى.

قىلمىسكەردەن قىزمەتكەر شىعارادى

ەندى ا ق ش- تا سوتتالعاندار اباقتىدا قۇر جاتپاي IT مامانى بولۋعا مۇمكىندىك الادى. ياعني تۇرمەگە قىلمىسكەر بولىپ تۇسەدى، قىزمەتكەر بولىپ شىعادى.

الەمدەگى جەتەكشى تەحنيكالىق وقۋ ورىندارىنىڭ ءبىرى - ماسساچۋسەتس تەحنولوگيالىق ينستيتۋتى (MIT) تۇتقىندارعا ارنالعان ارنايى IT- وقىتۋ باعدارلاماسىن باستادى. وسى جۇيەنىڭ اياسىندا سوتتالعاندار سايت جاساۋدى نولدەن باستاپ ۇيرەنەدى. ءتىپتى وقۋىن اياقتاعاننان كەيىن MIT ديپلومىنا يە بولادى. اتالعان جوبا قىلمىسكەرلەردى كاسىبي داعدىلارمەن قامتاماسىز ەتىپ، بولاشاقتا قوعامعا قايتا بەيىمدەۋدى كوزدەيدى.

نەيرو- اجە

وسى كۇنى الاياقتىق ارەكەتتەر تەلەفون ارقىلى ءجيى جۇزەگە اسادى. ادامداردى سەندىرىپ، بانك دەرەكتەرىن ۇرلاۋ نەمەسە جالعان كەلىسىمشارتقا ماجبۇرلەۋ سياقتى تاسىلدەر - كيبەرشابۋىلدىڭ كەيبىر مىسالى عانا. ءبىراق «مىڭ اسقانعا - ءبىر توسقان». ۇلى بريتانيانىڭ ماماندارى وسى ءبىر كۇرمەۋى قيىن ماسەلەنى شەشەتىن ەرەكشە ءتاسىل ويلاپ تاپتى.

بۇل تەحنولوگيا جاساندى ينتەللەكت نەگىزىندە قۇرىلعان. «نەيرو- اجە» تەلەفون قوڭىراۋى كەزىندە الاياقتاردىڭ اككى ارەكەتىن انىقتايدى. سوسىن ولاردى اڭقاۋسىعان قالىپتا الداپ- ارباپ، نومىرلەرىن بلوكتايدى. وسىلايشا، قولدانۋشىلاردى قاۋىپتەن ساقتاندىرادى.

بەكزات قۇلشار

egemen.kz