عالام عاجاپتارى: 6 جاسار چەمپيون
نەبارى 6 جاسىندا الەم چەمپيونى اتانعان ەكىباستۇز تۇرعىنىنا پرەزيدەنت سىيلىعى تابىس ەتىلدى. حاديا قونايەۆا وتكەن ايدا ءابۋ-دابي قالاسىندا دجيۋ-دجيتسۋدان وتكەن الەم بىرىنشىلىگىندە 11:0 ەسەبىمەن تازا جەڭىسكە جەتتى.
عالام عاجاپتارى: 6 جاسار چەمپيون
كىشكەنتاي جەڭىمپازدى اكەسى جاتتىقتىرادى. سامات قونايەۆتىڭ دجيۋ-دجيتسۋمەن شۇعىلدانۋىنا ومىرتقا اۋرۋىنا شالدىعۋى سەبەپ بولعان. سپورتتىڭ ارقاسىندا سىرقاتتى جەڭىپ، جەتى بالاسىنىڭ التاۋىن جەكپە- جەكپەن اينالىسۋعا باۋليدى. بۇگىندە ولاردىڭ ءبارى - سپورت شەبەرى. «حاديانىڭ التىن مەدالى - وتباسىمىزداعى تاربيەنىڭ، ءتارتىپتىڭ جەڭىسى»، دەيدى س. قونايەۆ.
سۋ پەرىلەرىنىڭ سايىسى
قىتايلار سپورتتىڭ جاڭا ءتۇرىن ويلاپ تاپتى. ەرەكشەلىگى سول، جارىستا سۋ پەرىلەرى سايىسقا تۇسەدى.
قىتاي ەلى اتالعان باسەكەدەن العاشقى ازيا كۋبوگىن دە وتكىزىپ ۇلگەردى. وعان 70 كە تارتا سپورتشى قاتىسىپ، جارىستى تاماشالاۋعا مىڭداعان تۋريست كەلگەن. «ۇستەرىندە سۋ پەرىلەرىنىڭ كيىمى بولعاندىقتان، بۇل ونەر سايىسى وڭاي ەمەس. ساياحاتشىلار دا وسىنداي شوۋ تۇرىندەگى جارىستاردى كورۋدى ۇناتادى. ەڭ باستىسى، ۇكىمەتتەن قولداۋ بار»، دەيدى جارىستىڭ باس تورەشىسى حۋان سياوين.
دجەكسوننىڭ جاريالانباعان ءانى
سان- فرانسيسكودا مايكل دجەكسوننىڭ بۇعان دەيىن ەش جەردە جاريالانباعان اندەرى تابىلدى.
قالاداعى قويمانىڭ بىرىندە ساقتالعان كاسسەتالاردا ايگىلى ءانشىنىڭ 12 جازباسى بار ەكەن. بۇلاردى تاپقان گرەگگ مۋسگروۆ ەسىمدى قالا تۇرعىنى «پوپ مۋزىكا كورولىنىڭ» جوبالارىن باسقاراتىن كومپانياعا حابارلاسقان. ءبىراق ونداعىلار بەلگىسىز سەبەپتەرمەن جازبالاردى ساتىپ الۋدان باس تارتقان. ەندى ەر ادام كاسسەتالاردى اۋكسيوندا ساتۋعا نيەتتى.
بەكزات قۇلشار
egemen.kz
