ءال- فارابي، قۇرمانعازى مەن ءسۇيىنباي بەينەلەنگەن كوللەكسيالىق مونەتالار اينالىمعا شىقتى
بۇگىن قازاقستان ۇلتتىق بانكى «بانكنوتاداعى پورترەتتەر» سەرياسىنان ءال- فارابي، قۇرمانعازى جانە ءسۇيىنباي كوللەكتسيالىق مونەتالارىن اينالىمعا شىعاردى، دەپ حابارلايدى Kazinform.
مونەتالار 8-جەلتوقساندا kazcoins.nationalbank.kz ينتەرنەت- دۇكەنىندە ساتىلا باستايدى.
جاڭا مونەتالار 1993 -جىلعى ۇلگىدەگى قازاقستان رەسپۋبليكاسىنىڭ ۇلتتىق ۆاليۋتاسى بانكنوتالارىنىڭ ءبىرىنشى سەرياسىنىڭ پورترەتتىك بەينەلەرىنە ارنالعان.
وندا كورنەكتى تاريحي تۇلعالار - عالىم ءال- فارابي، ايتىسكەر اقىن ءسۇيىنباي ارون ۇلى، كۇيشى قۇرمانعازى، عالىم ءارى ەتنوگراف شوقان ءۋاليحانوۆ، اقىن ءارى فيلوسوف اباي، سونداي- اق قازاق حاندارى ءابىلقايىر مەن ابىلاي بەينەلەنگەن.
2011-2013 -جىلدارى ءال- فارابي، قۇرمانعازى جانە ءسۇيىنباي كوللەكتسيالىق التىن مونەتالارى اينالىمعا شىقتى.
كوللەكتسيونەرلەر مەن حالىق تاراپىنان بولعان سۇرانىستى ەسكەرە وتىرىپ، سەريا كۇمىس جانە نەيزيلبەر قوسپاسىنان جاسالعان مونەتالارمەن تولىقتىرىلىپ وتىر.
كۇمىس مونەتالار ءارقايسىسى 925/1000 سىنامدى كۇمىستەن، سالماعى 31,1 گرامم، ديامەترى 38,61 م م، proof دايىنداۋ ساپاسىمەن، نومينالى 500 تەڭگەلىك، تارالىمى 2000 (ەكى مىڭ) دانادا جاسالدى.
ال نەيزيلبەر مونەتالار ءارقايسىسى م ن ت س 15-20 نەيزيلبەر قوسپاسىنان، ماسساسى 11,17 گرامم، ديامەترى 31 م م، uncirculated دايىنداۋ ساپاسىمەن، نومينالى 200 تەڭگەلىك، تارالىمى 50000 (ەلۋ مىڭ) دانادا جاسالدى.
كوللەكسيالىق مونەتالار قازاقستان بۇكىل اۋماعىندا بەلگىلەنگەن قۇنىمەن تولەمنىڭ بارلىق تۇرلەرى بويىنشا قابىلدانۋعا، سونداي- اق ەلدىڭ بارلىق بانكىندە بانك شوتىنا ەسەپكە الىنۋعا جانە اۋدارۋعا، ۇساقتالۋعا جانە ايىرباستالۋعا مىندەتتى.
كوللەكتسيالىق مونەتالار قازاقستان تەڭگە سارايىندا دايىندالدى.
