ءال-فارابي اتىنداعى قاز ۇ ۋ وقىتۋشىسى ءوزىنىڭ سەبەپسىز جۇمىستان قۋىلعانىن مالىمدەدى

 ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىنىڭ وقىتۋشىسى داستان قاستاي ۋنيۆەرسيتەت باسشىلىعىنىڭ ەشبىر سەبەپسىز جۇمىستان شىعارىپ جىبەرگەنىنە قاتىستى نارازىلىعىن ءبىلدىردى، دەپ حابارلايدى قازاقپارات ءتىلشىسى. 

шағым
Фото: Фото: ҚазАқпарат/Александр Павский

بۇل تۋرالى ول ءوزىنىڭ Facebook-تەگى پاراقشاسىندا جازدى.

داستان قاستاي ءوزىن ەش سەبەپسىز جۇمىستان شىعارعان جانە ار-نامىسىنا نۇقسان كەلتىرگەن ۋنيۆەرسيتەت باسشىلىعىنىڭ جازالانۋىن جانە قاز ۇ ۋ-داعى ءبىلىم ساياساتىنىڭ وزگەرتىلۋىن تالاپ ەتۋدە.

جوعارى وقۋ ورنىنىڭ وقىتۋشىسى ق ر پرەزيدەنتى قاسىم-جومارت توقايەۆقا، قر عىلىم جانە جوعارى ءبىلىم ءمينيسترى ساياسات نۇربەككە، ق ر مادەنيەت جانە اقپارات ءمينيسترى ايدا بالايەۆاعا اشىق حات جولدادى.

«مەن، ق ر ازاماتى، ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىنىڭ وقىتۋشىسى قاستاي داستان قۋاندىق ۇلى اكادەميالىق ادىلدىكتى تالاپ ەتەمىن! وقىتۋشىلىق جۇمىسىمنىڭ التىنشى اپتاسى باستالعاندا ەشبىر «ويعا قونىمدى» سەبەپسىز ءال- فارابي اتىنداعى قازاق ۇلتتىق ۋنيۆەرسيتەتىندەگى جۇمىستان شىعارىلدىم. ۋنيۆەرسيتەت تاراپى نەلىكتەن مۇنداي قادامعا بارعانىنا قاتىستى تۇسىنىك بەرۋدەن باس تارتتى. قۇرمەتتى مەملەكەت باسشىسى، مينيسترلەر، كوز الدىمدا مەنىڭ ازاماتتىق قۇقىم تاپتالىپ، وقىتۋشىلىق بولمىسىما، كاسىبي قىزمەتىمە نۇقسان كەلىپ جاتىر. قاز ۇ ۋ باسشىلىعىنا، ءامىرشىل-اكىمشىل جۇيەنى «شەبەرلىكپەن» جۇزە اسىراتىن جاندارعا «تاۋەلسىزدىك ۇرپاعىنىڭ» ۇستانىمى، ساناسى اشىق ازاماتتىق وقىتۋشىلىق امبيتسياسى ۇناماسا كەرەك. مەنىمەن ايقاس جازۋشى- جۋرناليست «كەمەل توقايەۆ اۋديتورياسى» اشىلعاننان كەيىن باستالدى» - دەپ جازدى داستان قاستاي.

داستان قاستاي جولداعان اشىق حاتقا ق ر عىلىم جانە جوعارى ءبىلىم ءمينيسترى ساياسات نۇربەك جاۋاپ قاتتى.

«دوستار، ءال-فارابي اتىنداعى قازاق ۇلتتىق ۋنيۆەرسيتتىڭ جاس وقىتۋشىسى داستان قاستايدىڭ الەۋمەتتىك جەلىدەگى اشىق حاتىنا بايلانىستى وقۋ ورداسىنىڭ باسشىلىعىمەن تىكەلەي بايلانىستىم جانە ۇستازداردى جۇمىستان شىعارۋ نەمەسە قۋدالاۋ فاكتىلەرى بولماۋى كەرەكتىگى بويىنشا كەڭەس بەردىم. قازىرگى ۋاقىتتا Dastan Kastay باۋىرىمىزدىڭ جۇمىستان شىعارىلعانى تۋرالى بۇيرىق جوق ەكەندىگىن جانە جۋرناليستيكا فاكۋلتەتىندەگى قىزمەتىن جالعاستىرا بەرەتىندىگىن بارشاڭىزعا قۋانىشپەن جەتكىزەمىن»، - دەپ جازدى مينيستر.

سوڭعى جاڭالىقتار