ءابليازوۆتىڭ تاعى ءبىر سىبايلاسى قازاقستانعا ءوز ەركىمەن ورالدى

Әблязовтың тағы бір сыбайласы Қазақстанға өз еркімен қайтарылды
Фото: Polisia.kz

 استانا. KAZINFORM - سىبايلاس جەمقورلىققا قارسى قىزمەتتىڭ باسشىلىعىمەن ۆەدومستۆوارالىق جەدەل- تەرگەۋ توبى «ب ت ا بانكى» ا ق بۇرىنعى توپ- مەنەدجمەنتىنە قاتىستى ۇيىمداسقان قىلمىستىق قوعامداستىق قۇرامىندا جاسالعان اقشانى، ونىڭ ىشىندە شەتەلدە جىمقىرۋ جانە جىلىستاتۋ فاكتىلەرى بويىنشا قىلمىستىق ءىستى تەرگەۋدى جالعاستىرىپ جاتىر. بۇل تۋرالى اگەنتتىكتىڭ باسپا ءسوز قىزمەتى حابارلادى.

«قىلمىستىق ءىس بويىنشا 2009 -جىلدان بەرى ىزدەۋدە جۇرگەن م. ءابليازوۆتىڭ تاعى ءبىر سىبايلاسى - الەكسەي ۆلاديميروۆيچ بوگدانوۆ قازاقستانعا ءوز ەركىمەن قايتارىلدى. ول «Metropolitan Manageres Corp» (BVI) وففشورلىق كومپانياسىنىڭ نومينالدى وكىلى، «بەلوۆود كراحمال كومبيناتى» جاق باسقارما ءتوراعاسى جانە «مايس اگرو» ج ش س مامانى رەتىندە بانكتىڭ 300 ميلليون تەڭگەدەن استام سوماعا اقشا قاراجاتىن جىمقىرعان»، - دەلىنگەن حابارلامادا.

كۇدىكتىنىڭ جاقىن تۋىستارىمەن جانە ادۆوكاتىمەن ءتۇسىندىرۋ جۇمىستارىنىڭ ناتيجەلەرى بويىنشا بوگدانوۆ قازاقستانعا ورالۋعا جانە تەرگەۋگە جاردەمدەسۋگە نيەت ءبىلدىرىپ، ول تۋرالى جازباشا ءوتىنىش جولدادى.

وسى جىلدىڭ 15-مامىرىندا ق ر ءى ءى م ينتەرپولىنىڭ كومەگىمەن بوگدانوۆ بريۋسسەل قالاسىنان (بەلگيا) الماتى قالاسىنا كەلدى. كۇدىكتىنىڭ ەرىكتى تۇردە ورالۋىن، كىناسىن تولىق مويىنداۋىن جانە تەرگەۋمەن ىنتىماقتاستىعىن ەسكەرە وتىرىپ، بوگدانوۆقا قاتىستى بۇرىن سايلانعان قاماۋدا ۇستاۋ تۇرىندەگى بۇلتارتپاۋ شاراسى كەپىلگە وزگەرتىلدى. قازىرگى ۋاقىتتا كۇدىكتىنىڭ قاتىسۋىمەن تەرگەۋ ارەكەتتەرى جۇرگىزىلىپ جاتىر.

سوتقا دەيىنگى تەرگەۋ جالعاسىپ جاتىر.

سوڭعى جاڭالىقتار