بيزنەس يدەيادان بيزنەستى ءساتتى باستاۋعا دەيىن
قازىرگى زاماناۋي كاسىپكەرلىك الاڭدا باسەكە دەڭگەيى وتە جوعارى جانە بۇل سالاعا جاڭا قادام باسقان جاندارعا نارىقتا ءوز ورنىن تابۋ قيىن.
كوپتەگەن ستارتاپتار امبيتسياعا تولى، ءتۇرلى قايتالانباس يدەيامەن باستالادى، ءبىراق تابىسقا جەتۋ جولىندا قيىندىقتاردى قالاي جەڭۋ كەرەگىن ءدايىم بىلە بەرمەي، داعدارىسقا ۇشىرايدى.
استانا حالىقارالىق ۋنيۆەرسيتەتىنىڭ بيزنەس-ينكۋباتورىن ءتامامداعان 45 كوماندا ءۇشىن كاسىپتىك قادام الدەقايدا جەڭىلدەگەنى ءسوزسىز، ءارى وقۋ بارىسى دا اسا تابىستى بولدى. بيزنەس-ينكۋباتورلار ستارتاپتار ءۇشىن جان-جاقتى دامۋ، ءبىلىم الۋ جانە رەسۋرستىق مۇمكىندىكتەرگە يە بولۋ جولدارىن ۇسىنادى. مۇندا قاتىسۋشىلار تابىستى كاسىپكەرلەردىڭ تاجىريبەسىمەن تانىسىپ، كاسىبي كەڭەس الىپ، قارجىلىق دەمەۋشىلىككە دە قول جەتكىزە الادى.
مۇنداي باعدارلامالاردىڭ ەڭ ۇتىمدى تۇسى - قاتىسۋشىلارعا العان تەوريالىق ءبىلىمدى ءىس جۇزىندە قولدانۋعا مۇمكىندىك بەرەتىن پراكتيكالىق شارالار. التى اپتا بويى جۇمىس ىستەگەن AIU BUSSINES INNOVATION ەكى ينكۋباتسيالىق باعدارلاماسىنا قاتىسۋشىلار بيزنەس-ترەنەر مەن جوبا ترەكەرىنىڭ قاتاڭ قاداعالاۋى ارقىلى كاسىپكەرلىك داعدىلارىن جەتىلدىردى. بيزنەس-ينكۋباتوردا وتكەن پايدالى ۋاقىت كوماندا مۇشەلەرىنە كوپتەگەن پايدالى جاڭالىقتار اشىپ، قايتالانباس تاجىريبە اكەلدى.
ترەنينگ اياقتالعاننان كەيىن، ينكۋباتور بارىسىندا DEMO DAY ءوتتى. DEMO DAY- دە كوماندا جەتەكشىلەرى ساراپشىلار مەن ينۆەستورلار الدىندا وزدەرىنىڭ بيزنەس-يدەيالارىن ۇسىنىپ، قورعادى. قاتىسۋشىلاردى قولداۋعا استانا قالاسىنىڭ ۆەنچۋرلىق قورلارىنىڭ وكىلدەرى مەن تاجىريبەلى كاسىپكەرلەر كەلدى. 3 مينۋت ىشىندە ءار سپيكەر ءوز جوباسى تۋرالى ايتىپ، جوسپارلانعان ناتيجەگە قول جەتكىزۋگە مۇمكىندىك بەرەتىن ارتىقشىلىقتارىن تانىستىرۋى ءتيىس ەدى. ءاربىر كوماندا ءوز ءونىمىنىڭ قايتالانباس ۇتىمدى تۇستارى مەن جاڭاشىلدىعىن كورسەتىپ، سونىمەن قاتار، شارا قوناقتارىنىڭ سۇراقتارىنا جاۋاپ بەردى.
جوبالار كونديتەرلىك ونىمدەردى وندىرۋدەن باستاپ، ءبىلىم ورتالىقتارىن اشۋعا دەيىن الۋان ءتۇرلى بولدى. مىسالى، Betula ستۋدەنتتەر كومانداسى بەتۋليندى قولدانۋ ارقىلى يننوۆاتسيالىق كوسمەتيكا جاساۋ تەحنولوگياسىن ۇسىنسا، Steppe Qaq توبى ەكوونىم رەتىندە تانىستىرىلعان قاق ءوندىرىسى باستاماسىن قورعادى.
ساراپشىلار Amazonica جوباسىن تاعامدىق قوسپالاردى وندىرۋگە ارنالعان يدەيالارى ءۇشىن دە اتاپ ءوتتى. بەلسەندى جۇمىس پەن جوبالاردى قورعاۋدان كەيىن ءاربىر قاتىسۋشى مەملەكەتتىك قارجىلاندىرۋ جانە بيزنەستى قولداۋ بويىنشا كونكۋرستارعا قاتىسۋ قۇقىعىن راستايتىن سەرتيفيكات الدى.
ستارتاپتار مەن بيزنەس-جوبالارعا قولداۋ جانە كونسالتينگتىك قىزمەت كورسەتۋ سۇراقتارى بويىنشا كەلەسى ەلەكتروندىق پوشتا مەكەنجايلارىنا حابارلاسۋعا بولادى: بولات بالتابايەۆ، بيزنەس- ينكۋباتور جەتەكشىسى، b.baltabaev@aiu.edu.kz؛ سماگۋلوۆا زۋبيراش - «AIUBUSSINES INNOVATION» جوباسىنىڭ ۇيلەستىرۋشىسى، z.smagulova@aiu.edu.kz؛ ۋسيپبەكوۆ اليبەك - «AIU BUSSINES INNOVATION» جوباسىنىڭ ۇيلەستىرۋشىسى، a.usipbekov@aiu.edu.kz.
