بيىلعى نوبەل سىيلىعىن العان حيميك عالىمدار بەلگىلى بولدى

بيىل نوبەل سىيلىعىن حيميا سالاسى بويىنشا كۆانتتىق نۇكتەلەردى اشۋعا جانە سينتەزدەۋگە قاتىسقان ءۇش عالىم يەلەندى.

нобель
Фото: Фото: Nobel Prize

امەريكا عالىمدارى مۋنگي باۆەندي مەن لۋيس بريۋس، سونىمەن قاتار رەسەيلىك الەكسەي ەكيموۆ (1999-جىلدان بەرى ا ق ش- تا، Nanocrystals Technology Inc كومپانياسىندا جۇمىس ىستەيدى) لاۋرەات اتاندى.

قازاقپارات بۇل تۋرالى BBC باسىلىمىنا سىلتەمە جاساپ حابارلايدى.

ماراپات «كىشكەنتاي ەكەنى سونشا، كولەمىن سيپاتى انىقتايتىن كۆانتتىق نۇكتەلەردى اشقانى جانە سينتەزى» ءۇشىن تاعايىندالدى.

لاۋرەاتتاردىڭ ەسىمى نوبەل كوميتەتى رەسمي جاريالاعانعا دەيىن بىرنەشە ساعات بۇرىن باسپا ءسوز بەتىنە شىعىپ كەتتى: قاتارىنان بىرنەشە شۆەدتىك ب ا ق شۆەتسيالىق كورولدىك عىلىم اكادەمياسى قاتەلەسىپ جىبەرگەن ەلەكترون حاتتى جاريالادى.

سودان كەيىن كوپ ۇزاماي عىلىم اكادەمياسىنىڭ وكىلدەرى Reuters باسىلىمىنا بيىلعى جىلدىڭ حيميا بويىنشا سىيلىعى كىمگە تابىستالاتىنى ءالى شەشىلمەگەنىن حابارلادى.

«بۇل — شۆەتسيا كورولدىك عىلىم اكادەمياسىنىڭ قاتەلىگى. ءبىزدىڭ جينالىس ورتالىق ەۋروپا ۋاقىتىمەن 9:30 دا (گرينۆيچ بويىنشا 7:30) باستالادى، ءالى شەشىم قابىلدانعان جوق. جەڭىمپازدار انىقتالمادى»، — دەپ ءمالىم ەتتى نوبەل كوميتەتىنىڭ حيميا سالاسى بويىنشا وكىلى دجوان اكۆيست.

اكادەميا سايتىندا دا باسپا ءسوز رەليزى بولعان جوق.

نوبەل سىيلىعى تۋرالى اقپاراتتىڭ ەرتە تاراپ كەتۋى سيرەك كەزدەسەدى: ماراپاتتى تاعايىندايتىن ءتۇرلى اكادەميالار جاريالاعانعا دەيىن لاۋرەاتتاردىڭ ەسىمى قۇپيا بولىپ قالۋ ءۇشىن بار كۇشىن سالادى، ال نومينانتتار ءتىزىمى جەڭىمپاز انىقتالعاننان كەيىن 50 جىل ىشىندە جاسىرىن ساقتالادى.

نانوبولشەكتەر مەن كۆانتتىق نۇكتەلەر جارىقديودتى لامپالار پەن تەلەديدار ەكراندارىندا، سونداي-اق قاتەرلى ىسىك جاسۋشالارىن جويۋ كەزىندە حيرۋرگتار پايدالانادى، دەلىنگەن مالىمدەمەدە.

بىلتىر حيميا سالاسى بويىنشا نوبەل سىيلىعىن ا ق ش عالىمدارى كارولين بەرتوتستسي مەن بارري شارپلەسس، سونىمەن قاتار دانيالىق مورتەن مەلدال العان بولاتىن. ولار كليك-حيميا ءتاسىلىن دامىتقانى ءۇشىن ماراپاتتالدى.

بارري شارپلەسس سىيلىققا ەكىنشى رەت لايىق دەپ تانىلدى. 2011-جىلى ول عالىمدار رەدزي نوەري مەن ۋيليام نوۋلزبەن بىرگە فارماتسيەۆتيكا وندىرىسىندەگى زەرتتەۋى ءۇشىن نوبەل سىيلىعىن يەلەنگەن بولاتىن.

سوڭعى جاڭالىقتار